Juan Liscano

Juan Liscano Velutini (Caracas, 1915eko uztailaren 7a - Ibidem, 2001eko otsailaren 17a) venezuelar idazlea izan zen. Poesia- nahiz saiakera-lanak idatzi zituen, baina horrez gainera, publizista, argitaratzaile eta literatura-kritikari gisa ere lan egin zuen.

Juan Liscano

Bizitza
JaiotzaCaracas, 1914ko uztailaren 7a
Herrialdea Venezuela
HeriotzaCaracas, 2001eko otsailaren 17a (86 urte)
Hezkuntza
Hizkuntzakgaztelania
Jarduerak
Jarduerakliteratura-kritikaria eta poeta
Jasotako sariak
KidetzaAcademia Venezolana de la Lengua (en) Itzuli
Find a Grave: 12257778 Edit the value on Wikidata

Biografia

Caracasen ez ezik, Frantzia, Belgika eta Suitzan ere ikasi zuen. Kazetaritza-lanak egiten hasi zen Revista de la Federación de Estudiantes de Venezuela aldizkarirako, eta 1938an bere aldizkaria sortu zuen, Cubagua. 1944an, Suma aldizkaria sortu zuen. Azken hori oinarri hartuta, argitaletxea eta liburu-denda sortu zituen, eta bertako zuzendaria izan zen. 1946an Folklorearen Ikerkuntzarako Zerbitzua sortu zuen. Bere herrialdeko gorabehera politikoek eraginda, alde egin behar izan zuen, baina giroa lasaitu zenean, itzuli eta Zona Franca izeneko aldizkaria sortu zuen, 1968an. Lehen poesia-lana, 8 poema, 1939an argitaratu zuen. Harrezkero, poesia hauek kaleratu zituen, besteak beste: Humano Destino (1949), Nuevo Mundo Orinoco (1959), Nombrar contra el tiempo (1968), Rayo que al alcanzarme (1978), Descripciones (1983), Fundaciones, vencimientos y contiendas (1991), Antología poética (1993). Saiakera aipagarrienen artean ditu: Rómulo Gallegos y su tiempo (1961) eta El horror por la historia (1980). Literatura-kritikari gisa ere hainbat lan argitaratu zituen: Caminos de la prosa (1953), Espiritualidad y literatura (1976) eta Lecturas de poetas y poesía (1985).

Erreferentziak

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.