Juan Kruz Zapirain

Juan Kruz Zapirain
Bizitza
Jaiotza	Errenteria, 1867ko urtarrilaren 3a
Herrialdea	Gipuzkoa, Euskal Herria
Heriotza	Errenteria, 1934ko martxoaren 8a (67 urte)
Jarduerak
Jarduerak	bertsolaria eta idazlea

Juan Kruz Zapirain Etxeberria (Errenteria, Gipuzkoa, 1867ko urtarrilaren 3a - Errenteria, Gipuzkoa, 1934 martxoaren 8a) bertsolari gipuzkoarra izan zen.

Ama, Felipa Ramona Etxeberria, Juan Kruz jaio ta bost egun geroago hil zitzaion. Tamalez, hori ez zen bere bizitzako gertaera latz bakarra eta emaztea ere nahiko gazte hil zen, 1918ko urrian, gripe izurritearen ondorioz.

Euskal Herri guztian sona handikoa izan zuen bertso sail luze baten egilea izan zen: Santa Jenobebaren bizitza (1899), hainbat argitaraldi izan zituena. Manuel Lekuonak eta Jose Migel Barandiaranek argitaratu eta aztertu dute 163 bertsoko sail hori. Antonio Zavalak bildu zituen Juan Kruz eta Joxe Zapirainen bertsoak eta Zapirain anaiak (1975) izenburupean argitaratu zituen. Zapirainen beste bertso sail batzuk dira: Ai gure antxiñeko guraso nobliak, bertso doinu bati izena eman diona, Zure pasio santua eta Azkeneko gaba (1918).

Lanak

Bertsoa

Brabante-ko Jenobeba, bertso berrietan (1929, Montepio Diocesano)
Zure Pasio Santua. San Frantziskoren bizitza (1981, Auspoa)

Bilduma

Zapirain anaiak (1975, Auspoa)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikitekan badira testuak, gai hau dutenak:
Juan Kruz Zapirain

Datuak: Q12261022
Jatorrizko testuak: Egilea:Juan Kruz Zapirain Etxeberria

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.