Joxe Mari Olasagasti

Hamasei urte zituela egin zuen lehenbiziko plaza aizkorarekin eta urte horretan berean Gipuzkoako gazte mailako txapela irabazi zuen. Aurreneko apustua 23 urterekin jokatu eta galdu zuen, aizkoran eta korrika, Jose Etxebesteren aurka. Oso apustuzalea izan da eta desafio asko jokatu ditu aizkolari onenen aurka: Arria II.a, Jose Mari Mendizabal, Mikel Mindegia, Anjel Arrospide, Donato Larretxea...[1]

Apustu mistoetan ere oso ongi moldatu izan da. 1984ean, esate baterako, apustu ikusgarria jokatu zuen Nemesio Arregiren kontra: 125 kiloko harri kubikoari 25 jasoaldi ematea, 72 ontzako bi enbor moztea eta 6 km lasterka egitea. Olasagastik lortu zuen garaipena, ordu bat, 16 minutu eta 26 segundoko denborarekin, eta Arregik ordu bat, 20 minutu eta 59 segundo behar izan zituen. Donato Larretxearekin (harri jasotzen eta aizkoran) eta Juan Manuel Erasunekin (aizkoran eta segan) ere apustu mistoak egin ditu.[1]

• Munduko Txapelketa 2005ean Nazabalekin batera.
• Euskadiko Txapelketa (6): 1996, 1998, 1999, 2001, 2005, 2010
• Gipuzkoako Txapelketa (13): 1990, 1995, 1996, 1998, 1999, 2001, 2002, 2004, 2005, 2006, 2007, 2009, 2011
• Donostiako Urrezko Kopa (3): 1990, 1999, 2007
• Urrezko Aizkora (3): 1999, 2000, 2001
• Euskal Pentatloi Saria (3): 1983, 1984, 1990

• Joxe Mari Olasagasti euskaraz.net-en