Joseph Kosuth

Joseph Kosuth
	; Irudi gehiago
Bizitza
Jaiotza	Toledo (Ohio), 1945eko urtarrilaren 31 (79 urte)
Herrialdea	Ameriketako Estatu Batuak
Familia
Seme-alabak	ikusi Noëma Kosuth (en) ;
Hezkuntza
Hizkuntzak	ingelesa
Jarduerak
Jarduerak	margolaria, unibertsitateko irakaslea, ilustratzailea, argazkilaria, eskultorea, conceptual artist (en) eta art theorist (en)
	Parte-hartzailea Documenta 6 (en) ; documenta 7 (en) ; Documenta IX (en) ;
Lantokia(k)	New York; Stuttgart; Tuntange (en) ; Toledo (Ohio); Cleveland eta Erroma
Mugimendua	Arte kontzeptuala; Artea eta Hizkuntza
Genero artistikoa	Arte kontzeptuala

Joseph Kosuth (Toledo, Ohio, AEB, 1945eko urtarrilaren 31) estatubatuar artista da. Arte kontzeptualaren sortzaile eta teorialarietako bat da.

Rosetta Harriaren kopia erraldoia, Joseph Kosuthek Figeacen, Jean-François Champollionen jaioterrian (Frantzia), egindako artelana.

Biografia

1964tik 1966ra, arte-ikasketak egin zituen Clevelanden eta New Yorken, eta, 1970-1971n, filosofia- eta antropologia-ikasketak, New Yorken.

Kosuthek bere ondorio logikoetara eraman zuen artea minimalismoaren ondoren, objektuaz haratago, hizkuntzaren, ezagutzaren eta ideiaren alorrean. Artearen forma tradizionalak ukatu zituen, eta idatzizko hitzetan oinarritu zituen bere esperientziak. 1965ean, One and Three Chairs aurkeztu zuen: aulki bat, haren argazkia eta aulkiaren definizioa (hiztegi batetik aterea), halako progresio logikoa eginez errealetik idealera edo kontzeptualera. 1969ko Art after Philosophy du manifestu nagusia, bere obraren oinarri teorikoa azaltzen duena. Kosuth esanahiaren mekanikez kezkatu zen, eta horrek, objektuen kasuan, adimeneko kontzeptuari ikusmenekoa lotzea zekarren. Prozesu horretako hurrengo urratsa irudiak (benetakoak edo horien argazkiak) kentzea izan zen, soilik hiztegiko definizioa ager zedin.

Bakarkako lehen erakusketa Pasadena Art Museumen egin zuen 1969an, eta Leo Castelli galerian gero, 1971n. Eskolak eman ditu New Yorkeko School of Visual Artsen eta Stuttugarteko Akademie del Bildenden Kunsten, eta hainbat sari jaso ditu.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q313113
Multimedia: Joseph Kosuth / Q313113

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.