José Miguel Etxeberria

José Miguel Etxeberria Álvarez, Naparra ezizenaz ezaguna (Iruñea, 1958ko apirilaren 14a - Ipar Euskal Herria, 1980ko ekaina) ETA eta Komando Autonomoak erakunde armatuetako kidea izan zen.

José Miguel Etxeberria
Bizitza
JaiotzaIruñea, 1958ko apirilaren 14a
Herrialdea Nafarroa Garaia, Euskal Herria
Heriotza1980ko ekaina (22 urte)
Hezkuntza
Hizkuntzakgaztelania
euskara
Jarduerak
Jarduerakmilitante politikoa
KidetzaKomando Autonomo Antikapitalistak
ETA politiko-militarra
Sinesmenak eta ideologia
Alderdi politikoaLiga Komunista Iraultzailea

Francoren heriotzaren ondoren, LKI-ETA seigarrenean sartu zen Naparra. Eztabaida ideologiko handiak izan zituen LKI-ETA seigarreneko kideekin, eta ETA politiko-militarrera egin zuen jauzi;[1] 1977. urtea aldean, berriz, hasi omen zen ETA militarrean.[2] Alabaina, ETAren egitura hierarkikoarekiko desadostasuna gero eta ageriago azaltzen zuen, eta horrela pasatu zen Komando Autonomo Antikapitalistetara.

1978. urteko ondarrean erbesteratu zen Ipar Euskal Herrira. 1980ko ekainaren 11n etxetik irten zen Ziburura, norbaitekin zuen topaketa batera. Orduan desagertu zen;[2] Ziburun ikusi zuten azkeneko aldiz, eta geroztik ez da gehiago jakin hari buruz. Batallon Vasco Español (BVE) erakundeak Deia egunkariari eginiko dei baten bidez jakinarazi zuen bahitu eta Donibane Lohitzuneko Xantako inguruan ehortzi zuela.[1]

Senide eta kideek Naparraren bila aritu arren, ez zuten aurkitu. Bitartean, BVE erakundeak ohar gehiago kaleratu zituen lurperatuta zegoen beste toki batzuk adieraziz. Frantziako auzitegiek 1982an utzi zuten bertan behera ikerketa, zantzu berriak agertu artean. 2016an Mont-de-Marsan ondoko udalerri bateko haritzen paraje batean zegoela azaldu zen eta kasu berriro ireki zuten.[3][4]

Erreferentziak
  1. Petxarroman, Iñaki. (2016-10-02). «Autonomoetako 'Bakunin'» Berria.
  2. Azurmendi, Mikel. (2000-6-18). «Duela hogei urte desagertu zen "Naparra" Iparraldean» Argia (1766).
  3. Esnaola, Enekoitz. (2016-10-01). «Naparraren gorpuzkiak Mont de Marsan inguruan daudelakoan, kasua irekitzeko eskatu dute» Berria.
  4. EiTB. (2016/10/14). Epaileak 'Naparra'ren auzia ireki eta gorpua bilatzeko agindua eman du. .
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.