Jose Mazarredo

Jose (Joseph) Domingo Mazarredo Salazar Muñatones Gortazar (Bilbo, 1745eko martxoaren 8a - Madril, 1812ko uztailaren 29a) bizkaitar itsasgizona izan zen, Espainiako Itsas Armadako almirantea izandakoa.

Jose Mazarredo
Jose Mazarredo Salazar (1800), Jean François-Marie Bellier (Madrilgo Itsas Museoa). Irudi gehiago

Captain General of Galicia (en) Itzuli

1809ko maiatzaren 20a - 1809ko ekainaren 29a
← Joaquín Blake y Joyes (en) Itzuli - Gaspar María de Nava →

Espainiako Itsasarmadako ministroa

1808ko ekainaren 2a - 1812ko irailaren 29a
← Francisco Gil de Taboada (en) Itzuli - Gonzalo O'Farrill y Herrera (en) Itzuli →
Bizitza
JaiotzaBilbo, 1745eko martxoaren 8a
Herrialdea Bizkaia, Euskal Herria
HeriotzaMadril, 1812ko uztailaren 29a (67 urte)
Familia
AitaAntonio Jose Mazarredo Morgan
Seme-alabak
Hezkuntza
Hizkuntzakgaztelania
Jarduerak
Jarduerakitsasturia eta militarra
Jasotako sariak
KidetzaEuskalerriaren Adiskideen Elkartea
Zerbitzu militarra
Adar militarraEspainiako Itsas Armada
Graduaamiral
Parte hartutako gatazkakNapoleondar Gerrak

Biografia

Fragata-kapitain izendatu zuten 1766. urtean. Latitudea neurtzeko metodo berri bat asmatu zuen, 1771n, Filipinetako uharteetara zihoala. Aljer hiriaren aurkako erasoa gidatu zuen 1775. urtean, baina saioa hutsean geratu zen. Ondoren, kapitain eta Cadizko Itsas Armadako alferez izendatu zuten. Cadizen zela, bi obra argitaratu zituen: Lecciones de Navegación (1778) eta Colección de tablas para los usos más necesarios para la navegación (1779). Zazpi urte eman zituen Itsas Armadako ordenantzak biltzen, Ordenanzas generales de la Armada Naval obra argitaratzeko.

1795. urtean, Mediterraneoko ontzidiaren buru izendatu zuten; Mazarredok Itsasoko ministroari ontzidia zein egoera txarrean zegoen adierazi zionean Ferrolera erbesteratu zuten. Hala eta guztiz ere, itsas seinaleen kode berri bat idazteko agindu zitzaion, eta komandante nagusi izendatu zuten 1797. urtean. Titulu horren jabe zela, Cadizko portuaren defentsan borrokatu zen ingelesen aurka.

1802. urtean erretiratu zen bizitza militarretik Bilbora. 1804. urteko Zamakoladaren ondoren, Burgosa erbesteratu zuten, eta hiru urte pasa ziren arte ez zen itzuli Bizkaira. Espainiako Independentziako Gerra hasi zenean (1808), Cadizera deitu zuten berriro ere, baina Mazarredo Baionara joan zen, Josef Bonaparte Espainiako erregearen izendapenaren lekuko izatera. Hark estatu-idazkari eta armadako zuzendari izendatu zuen.

Bilboko kale nagusi batek Joseph Mazarredoren izena daroa: Mazarredo zumarkalea.


Erreferentziak

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.