Jose Luis Olaetxea Albistur

Jose Luis Olaetxea Albistur
Bizitza
Jaiotza	Lesaka, 1932ko martxoaren 10a
Herrialdea	Nafarroa Garaia, Euskal Herria
Heriotza	Lleida, 2021eko urtarrilaren 25a (88 urte)
Familia
Anai-arrebak	ikusi Rafael Olaetxea;
Jarduerak
Jarduerak	apaiza, organista eta musikaria

Jose Luis Olaetxea Albistur[1] (Lesaka, Nafarroa Garaia, 1932ko martxoaren 10a - Lleida, Katalunia, 2021eko urtarrilaren 25a) apaiz, organista eta musikaria izan zen.

Ogibidez medikua zen Diego Olaetxea eta Maria Luisa Albisturren semea, jaio eta hurrengo egunean bataiatu zuten herriko San Martin parrokian. Gazterik Iruñeko Seminarioan sartu zen eta bertan egin zituen ikasketak 1943 eta 1955 artean, urte hartako ekainaren 26an Enrique Delgado Gómez gotzainaren eskutik apaizgoa jaso zuen arte.

1955 eta 1959 artean Etxalarreko parrokiako apaiz lagunkide eta organista moduan aritu zen azken urte hartan Alemaniara bidali zutelarik musika ikasketak egitera. 1962an, ikasketak amaitu ondoren, Tafallako parrokiako organista izendatu zuten eta bertan egon zen urtebetez 1963ra arte.

Musikari eta organista trebea izanik, 1963an oposaketa bidez Lleidako Katedraleko kapera-maisu postua lortu zuen honek zekarren kalonje postuarekin batera. Orduezkeroztik eta 2002.urtean erretiroa hartu zuen arte konposizioan eta moldaketan aritu zen, nagusiki musika korala eta organoarentzako musika landu zituelarik. Kataluniako musika herrikoia bildu, moldatu eta euskara itzuli zuen maiz, bai eta olerkari mistikoen lanei musika jarri ere, kulturako musika idaztearekin batera.

Erretiroa hartu zuenetik katedraleko organo-jole moduan aritu zen.

Rafael Olaetxea Albistur, josulagun eta historialariaren anaia zen, bai eta Candido Albistur Iturria musikariaren senidea ere.

Erreferentziak

(Katalanez) Martín, Miguel Angel. (2021-01-26). «Ha mort mossèn José Luis Olaechea Albístur» www.bisbatlleida.org (Noiz kontsultatua: 2022-07-16).

Kanpo estekak

Datuak: Q115690813

Artikulu hau biografia baten zirriborroa da. Wikipedia lagun dezakezu edukia osatuz.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] (Katalanez) Martín, Miguel Angel. (2021-01-26). «Ha mort mossèn José Luis Olaechea Albístur» www.bisbatlleida.org (Noiz kontsultatua: 2022-07-16).