Jose Joakin Mitxelena
Jose Joakin Mitxelena Agirrezabala (Oiartzun, 1924ko uztailaren 20a - Ib., 1988)[1][oh 1] oiartzuar bertsolaria izan zen. Aitona eta osaba bertsolariak zituen. Bere herrian aritu zen lehen aldiz 14 urte baino ez zituela Saiburu eta Telleri-Txikirekin batera. 1960ko hamarkadako Bertsolari Txapelketa Nagusietan parte hartu zuen, baita 1980an ere. Azken horretan, gaixoaldi baten erruz erretiratu behar izan zuen. Gipuzkoako txapelduna izan zen 1962an.[2]
| Jose Joakin Mitxelena | |
|---|---|
 | |
| Bizitza | |
| Jaiotza | Oiartzun, 1924ko uztailaren 20a |
| Herrialdea |  Gipuzkoa, Euskal Herria |
| Heriotza | Oiartzun, 1988 (63/64 urte) |
| Hezkuntza | |
| Hizkuntzak | euskara |
| Jarduerak | |
| Jarduerak | bertsolaria |
Bertsolari gisa, jarrera oldarkorra zuen, aurkaria jokoz kanpo uzten saiatzen baitzen. Metrika luzeko bertsoak osatzeko erraztasuna zuen, batez ere agur bertsoetan.[2]
Bibliografia
- Kosme Lizaso. (1998). Jose Joakin Mitxelena gogoan. Auspoa Liburutegia. ISBN 84-89080-61-5.
Erreferentziak
- Elkartea, Xenpelar Dokumentazio Zentroa – Bertsozale. Jose Joakin Mitxelena - Biografiak - BDB. Bertsolaritzaren datu-basea. (Noiz kontsultatua: 2017-01-28).
- (Gaztelaniaz) «José Joaquín Mitxelena Agirrezabala» Euskomedia (Noiz kontsultatua: 2017-01-28).
Oharrak
- Jaiotza dataren inguruan kontraesan dago iturrietan (Auñamendik 1927; BDB Bertsolaritzaren datu-basea: 1924). Jakin badakigu 1938an aritu zela lehen aldiz 14 urte zituela, horregatik 1924 urtea lehenestea erabaki da.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.