Jose Antonio Begiristain

Jose Antonio Begiristain Mujika, Napo ezizenez ezaguna, (Olaberria, Gipuzkoa, 1963) gipuzkoar dantzaria da.

Jose Antonio Begiristain
Bizitza
JaiotzaOlaberria, 1963 (60/61 urte)
Herrialdea Gipuzkoa, Euskal Herria
Familia
Anai-arrebak
Jarduerak
Jarduerakdantzaria
Enplegatzailea(k)Espainiako Dantza Konpainia Nazionala
Izengoitia(k)Napo

Ibilbidea

Beasaingo La Salle euskal dantzen taldean egin zituen lehen urratsak dantzaren munduan, eta Kontxi Aranbururen akademian egin zituen balleteko ikasketak. 1982an Madrilera joan zen, bere prestakuntza Luis Fuente irakaslearekin osatzeko, eta haren taldean hainbat urtez egin zuen dantza. Iruñeko Almudena Loboren dantza eskolan ere izan zen garai hartan, eta Don Quijote ballet ikuskizunean parte hartu zuen[1].

Carmen Roche eta Lola de Avilarekin lan egin ondotik, 1987an Espainiako Dantza Konpainia Nazionalean sartu zen, Maia Plisetskaiaren zuzendaritzapean, eta ballet klasiko eta neoklasikoko rol ugari jokatu zituen. Ondorengo urteetan ospe handiko koreografoen sorkuntzetan parte hartu zuen[2].

1999. urtean erretiratu zen agertokietatik. Espainiako Dantza Konpainia Nazionalean lanean jarraitzen du.

Aitortzak

2017 Gipuzkoako Dantza Profesionalen Elkartearen Ibilbide Artistikoaren saria[3]

Erreferentziak
  1. Sarasola, Ainhoa. «Jose Antonio Begiristaini eta Judith Argomanizi emango dizkiete XV. Dantza sariak» Berria (Noiz kontsultatua: 2021-05-20).
  2. (Gaztelaniaz) Lafuente, Carlota. (1994-07-08). «"Mi hermano llevó al Barça al ballet varios y sequedaron sopas"» El País ISSN 1134-6582. (Noiz kontsultatua: 2021-05-20).
  3. «Judith Argomaniz eta Jose Antonio Beguristainentzat, Dantza sariak» EITB Euskal Irrati Telebista (Noiz kontsultatua: 2021-05-20).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.