José Ramón Anda

José Ramón Anda
Bizitza
Jaiotza	Bakaiku, 1949 (74/75 urte)
Herrialdea	Nafarroa Garaia, Euskal Herria
Hezkuntza
Heziketa	San Fernandoko Arte Ederren Errege Akademia ; Espainiako Akademia Erroman
Hizkuntzak	gaztelania
Jarduerak
Jarduerak	eskultorea eta unibertsitateko irakaslea
Enplegatzailea(k)	Euskal Herriko Unibertsitatea

José Ramón Anda Goikoetxea (Bakaiku, 1949 - ) euskal herritar eskultore eta arte irakaslea da.

Biografia

Haurtzaroa zerra, zizel eta arotz-lanabesen artean eman zuen, Madrilgo San Fernando Arte Ederren Goi Eskolara ikastera joan zen arte. Prestakuntza akademikoa eta gaztetako esperientzia, biak nabari dira bere obran. Erroman ere egin zuen ikasketa-egonaldi bat 1974an, beka bat eskuratu ondoren. Erakusketa ugari egin ditu Euskal Herri osoan. Neurri handiko lan asko egin ditu, eta hainbat herri eta hiritako kaleetan daude ikusgai, besteak beste Donostiako Ondarreta pasealekuan, Gipuzkoako hiriburuan eratzen zen Eskulturako Bi Urtekoa irabazi zuen Zeharki zortzi metroko menhir antzekoa. Jorge Oteizaren diseinu batean oinarriturik, berak egin zuen halaber Oteizarekin lankidetzan 1999an Donostiako San Bizente elizan ipini zuten Pietatea. 2003. urtean ipini zuten Nafarroako Unibertsitatearen errektoretzaren ondoan Andaren Argi Izpia eta Orek eskultura.

Lan nabarmenenak

"Zeharki" eskultura Donostian, Ondarretako lorategietan

Zeharki: (1982-1989) Donostia.
Homenaje a Juan de Antxieta, Iruñea.
Leihoa (1989) Zarautz.
Polifemo/Leida (1993) Iruñea.
Goruntz (1980-1994) Zumarraga.
Belak (2000-2001) Bakio.
Haizean, (1978-2002) Tolosa.
Zeharki II (2000-2002) Galdakao.
Sin Título (1999-2003) Altsasu.
La Memoria de Urbasa, Urbasa-Andia Natur Parkea.
Punto de luz y equilibrio/Argi izpia eta oreka (1979-2003), Nafarroako Unibertsitate Publikoa, Iruñea.
Ama Birjina Haurrarekin (2011), Iesu elizan (Donostia)

Ikusmira. José Ramón Anda. (Bilboko Arte Eder Museoan egindako erakusketan. 2012

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q9014700
Multimedia: José Ramón Anda / Q9014700

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.