José Luis Perales

José Luis Perales Morillas (Castejón, Cuenca, 1945eko urtarrilaren 18a) espainiar egile-abeslari, musikagile, musika ekoizle eta idazlea da. Espainiako kantugile arrakastatsuenetako bat da. "Quisiera decir tu nombre", "¿Y cómo es él?", “Un velero llamado Libertad”, "¿Qué Pasará Mañana?" eta Jeanettek jendarteratu zuen “Porque te vas” dira haren abesti ospetsunetako batzuk.

José Luis Perales
Irudi gehiago
Bizitza
Jaiotzako izen-deiturak	José Luis Perales Morillas
Jaiotza	Castejón, 1945eko urtarrilaren 18a (79 urte)
Herrialdea	Espainia
Hezkuntza
Hizkuntzak	gaztelania
Jarduerak
Jarduerak	abeslaria, musikagilea, kantugilea eta estudioko musikaria
Jasotako sariak	ikusi Arte Ederretako Merituaren Urrezko Domina  (2017)
Izengoitia(k)	Alexis Sauce
Genero artistikoa	balada erromantikoa pop latinoa jazza
Ahots mota	baritonoa
Musika instrumentua	ahotsa
Diskoetxea	Hispavox
Sinesmenak eta ideologia
Erlijioa	katolizismoa
joseluisperales.net

Lehenengo arrakasta 1974. urtean lortu zuen, Mis canciones diskoarekin. Hasierako lan hartan Gaztelako herri musikak eragin nabarmena izan zuen beragan, baina berehala utzi zuen alde batera joera hura, El Pregón (1974), Para Vosotros Canto (1975), Por Si Quieres Conocerme (1976) eta abarrek erakusten dutenez. 1970eko hamarkadan, hainbat abesti idatzi zituen beste abeslari batzuentzat (Julio Iglesias, Paloma San Basilio, Raphael, Isabel Pantoja), eta aurrerantzean ere egin zituen besterentzako lanak, baina berak interpretatu zituen bere lan gogoangarrienak, eta arrakasta handia lortu zuen Espainian eta Latinoamerikan. 1980ko hamarkadaren hasieran Nido De Águilas (1981) eta Entre El Agua Y El Fuego (1982) eman zituen argitara, eta harrezkero etengabe eta erregulartasunez jarraitu zuen diskoak argitaratzen.