Jonathan Ke Quan
Ke Huy Quan[1] edo Jonathan Ke Quan (Ho Chi Minh Hiria, Hego Vietnam, 1971ko abuztuaren 20a) vietnamdar-estatubatuar aktorea da, laurogeiko hamarkadako bi film famaturengatik ospetsu egin zena: Indiana Jones 2: zorigaiztoko tenpluan (1984) eta Goonietarrak (1985).
| Jonathan Ke Quan | |
|---|---|
| Bizitza | |
| Jaiotza | Ho Chi Minh Hiria, 1971ko abuztuaren 20a (52 urte) |
| Herrialdea |  Ameriketako Estatu Batuak  Hego Vietnam |
| Bizilekua | Alhambra (Kalifornia) Woodland Hills |
| Lehen hizkuntza | Vietnamera |
| Hezkuntza | |
| Heziketa | Hegoaldeko Kaliforniako Unibertsitatea USC School of Cinematic Arts (en)  Alhambra High School (en) |
| Hizkuntzak | ingelesa Yue txinera Vietnamera mandarin txinera |
| Jarduerak | |
| Jarduerak | aktorea, taekwondolaria eta zinema aktorea |
| Lan nabarmenak | |
| Jasotako sariak | ikusi
|
          | |
Ospea eman zioten bi film horien ondotik, beste film batzuetan parte hartu zuen 2002ra arte, harik eta aktore lanak egiteari utzi zion arte aukera falta zela eta. Horren ondotik, USCko Arte Zinematografikoen Eskolako zinema-titulua lortu zuen. Gero, dobleen koordinatzaile eta zuzendaritzako laguntzaile aritu zen.
Quan berriro itzuli zen aktore langintzara 2021ean, Everything Everywhere All at Once (2022) zientzia-fikziozko filmarekin, multibertsoan nabigatzen duen senar xaloaren rolean. Film hari esker, goraipamenak eta sariak jaso zituen, besteak beste, taldeko aktorerik onenarentzat Urrezko Globoa eta Oscarra.
Biografia
Quan Saigonen jaio zen; gaur egun, Ho Chi Minh izena duen hirian (Vietnam). Vietnamgo gerra zela eta, familiak herrialdea utzi zuen, eta Estatu Batuetara emigratu zuen.
Haurra zela aktore sartu zen, eta, 1984an, 12 urte zituela, Harrison Forden lankide izan zen, Zaparroren rolean: Indiana Jones 2: zorigaiztoko tenpluan. 1985eko Goonietarrak filmean Data izeneko haur burutsuaren rolean aritu zen. 1986ko Passengers (Norimono) film japoniarrean ere agertu zen, Honda Mina kantari japoniarrarekin.
Alhambrako (Kalifornia) Alhambra High Schoolean ere izan zen. Bigarren Hezkuntza egin ondoren, Kaliforniako Hegoaldeko Unibertsitatean lortu zuen gradu titulua, Arte Zinematografikoen Eskolan. Aise hitz egiten ditu vietnamera, kantonera, mandarina eta ingelesa.
1986an, iraupen laburreko Together We Stand telesailean (1986-1987) aritu zen Samen rolean, eta Jasper Kwong interpretatu zuen Head of the Class komedian, 1989tik 1991ra. Breathing Fire (1991) filmeko protagonista ere izan zen, eta Encino Man (1992) filmean rol labur bat izan zuen. Azken agerpena 2002an izan zuen, Hong Kongeko Second Time Around filmean, Ekin Cheng eta Cecilia Cheungekin batera.
Filmografia
| Urtea | Titulua | Rola | Oharrak |
|---|---|---|---|
| 1984 | Indiana Jones 2: zorigaiztoko tenpluan | Zaparro | Artista Gaztea saria irabazi zuen. |
| 1985 | Goonietarrak | Data Wang | |
| 1991 | Breathing Fire | Charlie Moore | |
| 1992 | Encino Man | Kim | |
| 2002 | Second Time Around | Sing Wong | |
| 2021 | Finding 'Ohana | George Phan | |
| 2022 | Everything Everywhere All At Once | Waymond Wang | Urrezko Globoa irabazi zuen Aktore Onenaren kategorian[2][3] |
| 2024 | The Electric State[4] | ||
Erreferentziak
- (Ingelesez) Ke Quan, Jonathan. «Ke Huy Quan» IMDb.
- Moreau, Jordan. (2023-01-11). «Golden Globes 2023 Winners List: Updating Live» Variety.
- Nordyke, Kimberly. (2023-01-11). «Golden Globes: Winners List (Updating Live)» The Hollywood Reporter.
- Vary, Adam B.. (2022-11-02). «Giancarlo Esposito, Ke Huy Quan, Anthony Mackie, Billy Bob Thornton Join the Russo Brothers' The Electric State for Netflix (EXCLUSIVE)» Variety.
