Joko garbi

Joko garbi pilota modalitate bat da. Zeharkako pilota jokoa da, eta gerora zesta punta izango zenaren modalitate aitzindari edo aurrekaria izan zen.

Joko garbi modalitatean jokatzen, Zubietako frontoi irekian (1970eko hamarkada)

Arauak

Xisteraz jokatzen da, baina zesta puntakoa baino xistera txikiagoa da joko garbikoa, eta ez du pilota atxikitzeko ipurdi edo zabalgunerik. Joko garbiko modalitatean pilota ezin da xisteran atxiki, zesta puntan bezala.

XIX. mendean atxikia egiten hasi zen hainbat pilotari (xisteraren forma moldatuz horretarako). Eta, hain zuzen, hortik datorkio izena "joko garbiari", zesta puntan erabiltzen hasi ziren atxikia joko "zikina" iruditzen zitzaielako garai hartako puristei.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.