John Fowles

John Robert Fowles (Leigh-on-Sea, Essex, 1926 – Lyme Regis, Dorset, 2005) britainiar idazlea izan zen.

John Fowles
Booker Prize judge (en)
Bizitza
Jaiotza	Leigh-on-Sea (en) , 1926ko martxoaren 31
Herrialdea	Erresuma Batua
Bizilekua	Belmont, Lyme Regis (en)
Lehen hizkuntza	ingelesa
Heriotza	Lyme Regis (en) , 2005eko azaroaren 5a (79 urte)
Heriotza modua	berezko heriotza: istripu zerebrobaskularra
Hezkuntza
Heziketa	Bedford School (en) New College (en) Alleyn Court Preparatory School (en)
Hizkuntzak	ingelesa
Jarduerak
Jarduerak	idazlea, eleberrigilea, irakaslea, gidoilaria eta saiakeragilea
Lan nabarmenak	ikusi The Collector (en) The Magus (en) The French Lieutenant's Woman (en)
Jasotako sariak	ikusi WH Smith Literary Award  (1970) : The French Lieutenant's Woman (en)
Influentziak	Jean-Paul Sartre
Genero artistikoa	Postmodernitatea
Sinesmenak eta ideologia
Erlijioa	ateismoa
fowlesbooks.com

Frantses hizkuntzako ikasketak egin zituen Edinburgoko eta Oxfordeko unibertsitateetan. Bigarren Mundu Gerran Britainia Handiaren itsas armadan parte hartu ondoren, irakasle aritu zen Frantzia, Grezia eta Ingalaterrako eskoletan. 1963an argitaratu zuen bere lehenengo eleberria, Bildumaria, neska eder bat bahitzen duen bulegari bati buruzkoa. Haren beste eleberri gehienak bezala, berehalako arrakasta izan zuen eta oso harrera ona irakurleen artean. Ondoren, Magoa (1965) -Greziako uharte batean, engainu misteriotsuen biktima den ingeles irakasle gazte bati buruzkoa- eta Lotinant frantsesaren emaztea (1969) -XIX. mendean kokatutako amodiozko istorioa, egitura narratibo zatikatukoa- idatzi zituen. Kontakizun horietako batzuk zinemara eraman dira. Fowles kontakizun-narratzaile trebea da, eta arreta berezia jartzen du banakoen psikologiaren eta konbentzio sozialen artean sortzen diren gatazketan. Haren obra guztietan azaltzen den gai bat aukeramena da, eta batzuetan irakurlea bera nahastea bilatzen du: Lotinant frantsesaren emaztea eleberrian, adibidez, bi bukaera posible planteatzen ditu. Eleberri horiez gainera, aipagarria du Bolizko dorrea ipuin bilduma, ironikoa, preziosista, kritikak aho batez goretsia.