Joaquin Atxukarro

Joaquin Atxukarro Arisketa[1] (Bilbo, Bizkaia, 1932ko azaroaren 1a) piano jotzailea da. Sari asko jasotzeaz gainera, kontzertu ugari eskaini ditu mundu guztian zehar. Bakarka eskainitako kontzertuez gainera, munduko orkestra garrantzitsuenekin bakarlari modura jotzen jarraitu du azken urteotan, baita diskoak grabatzen ere. 1990etik eskolak ematen ditu Dallasko (Texas, Ameriketako Estatu Batuak) Hegoaldeko Metodista Unibertsitatean.

Joaquin Atxukarro
Bizitza
Jaiotzako izen-deiturak	Joaquin Achúcarro Arisqueta, Joaquin Atxukarro Arisketa hau
Jaiotza	Bilbo, 1932ko azaroaren 1a (91 urte)
Herrialdea	Bizkaia, Euskal Herria
Familia
Ezkontidea(k)	Emma Jiménez
Hezkuntza
Heziketa	Madrilgo Complutense Unibertsitatea Accademia Musicale Chigiana (en) Madrilgo Goi Mailako Errege-Musika Kontserbatorioa
Hizkuntzak	gaztelania
Jarduerak
Jarduerak	piano-jotzailea eta musikaria
Jasotako sariak	ikusi Euskal Herritar Unibertsala Saria  (2005) Premio Nacional de Música  (1992) Arte Ederretako Merituaren Urrezko Domina  (1995) Elisabet Katolikoaren Ordenaren komandante osoa Meritu Zibileko Ordenaren Gurutze Handia  (2003) Elisabet Katolikoaren Ordenaren komendadorea honorary doctorate of the Autonomous University of Madrid
Kidetza	San Fernandoko Arte Ederren Errege Akademia Real Academia de Bellas Artes de Nuestra Señora de las Angustias (en)
Musika instrumentua	pianoa

1959an Liverpoolgo nazioarteko lehiaketa irabazi zuen, Ingalaterran, eta horrek munduko ateak zabaldu zizkion. Orduz geroztik 50 herrialde baino gehiagotan eta 200 orkestra baino gehiagorekin jo izan du munduan zehar. Euskal Herrian ere saio ugari eskaini ditu, eta bera izan zuen lagun 2000. urtean Euskadiko Orkestra Sinfonikoak Hego Amerikako hainbat herritan zehar egin zuen aurreneko bira arrakastatsuan. Urte berean, Maurice Ravel konpositorearen lanak biltzen zituen disko bat grabatu zuen Euskadiko Orkestra Sinfonikoarekin batera.