Joaquín Javier Uritz

Joaquín Javier Uritz Lasaga (Zare, 1747ko maiatzaren 25a-Iruñea, 1829ko irailaren 17a) nafar abokatu eta elizgizona izan zen[1].

Joaquín Javier Uritz
Iruñeko gotzaina 1815eko irailaren 4a - 1829ko irailaren 17a ← Veremundo Arias elizbarrutiko apezpiku 1815eko irailaren 4a - ← Veremundo Arias - Severo Leonardo Andriani Escofet → Elizbarrutia: Iruñea eta Tuterako artxidiozesia
Bizitza
Jaiotza	Zare, 1747ko maiatzaren 25a
Herrialdea	Nafarroa Garaia, Euskal Herria
Heriotza	Iruñea, 1829ko irailaren 17a (82 urte)
Hobiratze lekua	Iruñeko katedrala
Hezkuntza
Hizkuntzak	gaztelania
Jarduerak
Jarduerak	apaiz katolikoa, abokatua eta apezpiku katolikoa
Sinesmenak eta ideologia
Erlijioa	Erromatar Eliza Katolikoa

Zuzenbide kanoniko eta zibil ikasi ondoren, abokatu moduan lan egin zuen. 1774an apaiz bilakatu zen. 1808an Orreagako Kolegiatako priorea zela Veremundo Arias apezpikua ordezkatu zuen Baionako konstituzioa sinatzeko batzarrean. 1815ean Iruñeko apezpiku hautatu zuten.

Urbasako mendilerroan dagoen Santa Marina edo Antsumendi tontorreko Santa Marinako baseliza dela eta, 1816. urtean Joaquín Javier Uritz apezpikuak bakaikuarrak, iturmendiarrak eta urdiaindarrak gaztigatu zituen. Antza, Trinitate ospakizunaren bezperan, arratsaldez, “gaizki ulertutako deboziogatik” ermitara igotzen ziren eta ermitan “batzuetan estatu guztietako pertsona ugarik pasatzen dute gaua, bi sexuen nahasketarekin, halakorik ezin da onartu… Hori edo horren moduko abusuak jarraituz gero ermita eraistea aginduko dugu, Jainkoaren eta Eliza Sainduaren zerbitzurako izan dadin eraistea”.[2]