Joan Violet Robinson

Joan Violet Robinson
	; Irudi gehiago
Bizitza
Jaiotzako izen-deiturak	Joan Violet Maurice
Jaiotza	Camberley (en) , 1903ko urriaren 31
Herrialdea	Erresuma Batua ; Britainia Handia eta Irlandako Erresuma Batua 1927ko apirilaren 12a)
Heriotza	Cambridge, 1983ko abuztuaren 5a (79 urte)
Familia
Aita	Frederick Barton Maurice
Ama	Margaret Helen Marsh
Ezkontidea(k)	Austin Robinson
Anai-arrebak	ikusi Nancy Maurice (en) ;
Hezkuntza
Heziketa	St Paul's Girls' School (en) ; Girton College (en) ; Cambridgeko Unibertsitatea
Tesi zuzendaria	John Maynard Keynes
Doktorego ikaslea(k)	Amartya Sen; Donald Moggridge
Hizkuntzak	ingelesa
Ikaslea(k)	ikusi Amartya Sen;
Jarduerak
Jarduerak	ekonomialaria eta unibertsitateko irakaslea
Enplegatzailea(k)	Newnham College (en)
Jasotako sariak	ikusi Fellow of the British Academy ; Fellow of the American Academy of Arts and Sciences ;
Kidetza	Arteen eta Zientzien Ameriketako Estatu Batuetako Akademia; Britainiar Akademia

Joan Violet Robinson (Camberley, Surrey, Ingalaterra, Erresuma Batua, 1903ko urriaren 31 – Cambridge, Ingalaterra, Erresuma Batua, 1983ko abuztuaren 5a) ekonomialaria izan zen. Keynesen ekonomia-teoriaren garapenean eta zabalkundean eman zituen urteak.

Bizitza

Cambridgeko Unibertsitatean egin zituen ikasketak, eta bertan aritu zen irakasle-lanetan, 1931tik eta 1971ra. 1926. urtean, Ekonomiako Cambridgeko Eskolako ekonomialaria zen Austin Robinsonekin ezkondu zen. Begirune handia lortu zuen 1933. urtean argitaratu zuen The Economics of Imperfect Competition idatziarekin; bertan, besteak beste, baliabideen banaketa eta esleipena aztertu zituen, ustiakuntzaren kontzeptuarekin lotuz.

1930. urte inguruan, Cambridgen Keynesen ekonomia-teoria iraultzailearen gainean izan zen eztabaidan parte hartu zuen. Keynes bere adiskide minaren ekonomia-teoria irakasteaz gainera, liburu asko idatzi zituen, horietako asko ekonomia-gaietan aditu ez direnentzat ekonomiaren hastapen- eta gida-liburuak. 1940. urte aldera, ordea, Keynesen teoria bere ikuspuntutik garatzen hasi zen, zenbait ideia marxista erabiliz; hala idatzi zituen, besteak beste: An Essay on Marxian Economics (1942) eta Marx, Marshall, and Keynes (1955). Robinsonen ikuspuntu ez-ortodoxoak eta sistema ez-kapitalistei zien sinpatiak eman zuten zeresanik Ekonomiako Cambridgeko Eskolan. Idatzi zituen obren artean aipagarriak dira, besteak beste: The Acumulation of Capital (1956), Economic Philosophy (1936), Introduction to Modern Economics (1973), eta bost aletan atera zuen Collected Economics Papers (1951-79).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q234793
Multimedia: Joan Robinson / Q234793

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.