João Cabral de Melo Neto

João Cabral de Melo Neto (Recife, 1920ko urtarrilaren 9a - Rio de Janeiro, 1999ko urriaren 9a) brasildar idazlea izan zen. Diplomatiko gisa aritu zen zenbait herrialdetan, eta Brasilgo Letretako Akademiako kide izan zen.

João Cabral de Melo Neto
Irudi gehiago
Bizitza
Jaiotza	Recife, 1920ko urtarrilaren 9a
Herrialdea	Brasil
Lehen hizkuntza	Brasilgo portugesa
Heriotza	Rio de Janeiro, 1999ko urriaren 9a (79 urte)
Familia
Ezkontidea(k)	Marly de Oliveira (en)  (1986 -  1999ko urriaren 9a)
Hezkuntza
Hizkuntzak	portugesa Brasilgo portugesa
Jarduerak
Jarduerak	poeta, diplomazialaria, idazlea eta antzerkigilea
Jasotako sariak	ikusi Camões saria  (1990) Prêmio Jabuti Neustadt International Prize for Literature  (1992) Ordem do Mérito Cultural  (2010) Grand Cross of the Military Order of Christ Grand Officer of the Military Order of Saint James of the Sword
Kidetza	Brasilgo Letren Akademia

Bere poesia-lana, surrealismotik abiatuta, "objektibotasun berria" deitzen zitzaion alorrean sartzen zen. Bere zorroztasun semantikoa zela eta, nolabaiteko manierismoa zerion bere idazkerari, baina beharrezkoak ez ziren elementuez gabetzerainoko bilakaera izan zuen. Errealitatearen abstrakzio horretan, Mallarmé, Valéry eta Jorge Guillén poeten eragina antzematen zitzaion. O Cão Sem Plumas (Lumarik gabeko zakurra) obran bere herriko indigenen izaera aztertzen du. Brasilgo ipar-ekialdeko herritarren bizimodua du ardatza bere liburu ezagunenak, Morte e Vida Severina. Auto de natal pernambucano (Severinoren bizitza eta heriotza. Pernambucoko Eguberrietako ospakizuna). Severino -ipar-ekialdeko basamortuko biztanlea- da protagonista: itsasoaren bila abiatu eta heriotzarekin egiten du topo geldialdi bakoitzean, azken ostatuan haur baten jaiotzaren berri ematen dioten arte, eta horrek adierazten dio izatearen ukazioari aurre egiterik badagoela. João Cabralen obretatik aipatzekoak dira beste hauek ere: Poesias completas (1968, Poesia osoa), A escola das facas (1980, Aiztoen eskola), Agrestes (1985, Malkartsuak), Pedra do sono (1942, Loaren harria), Auto do frade (1986, Fraidearen autoa) eta Crime na calle Relator (1987, Relator kaleko krimena).