Jimmy Smith (musikaria)

Jimmy Smith (musikaria)
	; (1958) Irudi gehiago
Bizitza
Jaiotzako izen-deiturak	James Oscar Smith
Jaiotza	Norristown (Pennsylvania), 1925eko abenduaren 8a
Herrialdea	Ameriketako Estatu Batuak
Heriotza	Phoenix, 2005eko otsailaren 8a (79 urte)
Jarduerak
Jarduerak	organista, piano-jotzailea, jazz musikaria eta estudioko musikaria
Jasotako sariak	ikusi NEA Jazz Masters ;
Kidetza	Jimmy Smith Trio
Izengoitia(k)	The Incredible Jimmy Smith
Genero artistikoa	funk; Hard bopa; soula; jazz-funk (en) ; jazz fusion (en) ; indie rock
Musika instrumentua	organoa; Hammond organoa; ahotsa; gitarra
Diskoetxea	Blue Note; Verve Records (en)

Jimmy Smith (Norristown, Pennsylvania, AEB, 1925eko edo 1928ko abenduaren 8a - Scottsdale, Arizona, AEB, 2005eko otsailaren 8a) estatubatuar jazz-jotzailea izan zen.

Biografia

Piano- eta baxu-ikasketak egin zituen 1948-1950 bitartean, eta 1951n organo elektrikoa jotzen hasi zen. Handik lau urtera, 1955ean, hirukotea osatu zuen eta debut ospetsua egin zuten 1956an New Yorkeko jazz-areto batean.

1956tik 1963ra jazz klasikoko zenbait disko eman zituen argitara, Blue Note disko etxearekin. Disko batzuetan jazz-taldeko buru gisa parte hartu zuen, eta beste batzuetan hainbat musika-jotzaile ospetsurekin (Lee Morgan, Kenny Burrell, Art Blakey, Lou Donaldson, Jackie McLean, Stanley Turrentine) egindako jam sessionak bildu zituen.

Smith da Estatu Batuetako jazz-musikako organo-jotzaile handienetakoa; izan ere, Smithek iraultza eragin zuen jazz-musikaren baitan organoa jotzeko zuen tankera bereziarekin. Teklatuak jotzeko modua eta pedalaren erabilera berrizalea zabaldu zituen. Doinu-aberastasun handia lortu zuen, ordu arte organoarekin ez bezalakoa, eta eragin handia izan du harrezkeroko jazzeko organo jotzaileetan.

Bestalde, hainbat lan idatzi zituen, adibidez The Sermon, Back at the Chicken Shack, Open House, Plain Talk, etab. 1964an Grammy saria irabazi zuen The Cat lanarengatik. 1990eko hamarraldian zenbait emanaldi eta bira egin zituen. 2001 urtean, Smithek hainbat zuzeneko ekitaldi eta kontzertu eman zituen.

Diskografika hautatua

1956: A New Sound, A New Star: Jimmy Smith at the Organ (Blue Note)
1956: The Champ (Blue Note)
1957: Groovin' at Small's Paradise (Blue Note)
1958: The Sermon (Blue Note)
1958: Cool Blues (Blue Note)
1960: Crazy! Baby (Blue Note)
1960: Back at the Chicken Shack (Blue Note)
1960: Midnight Special (Blue Note)
1960: Prayer Meetin (Blue Note)
1962: Bashin: The Unpredictable Jimmy Smith (Verve)
1966: Peter and the Wolf (Verve)
1966: Jimmy & Wes: The Dynamic Duo (Verve)
1968: Stay Loose...Jimmy Smith Sings Again (Verve)
1972: Root Down (Verve)
1972: Bluesmith (Verve)

Erreferentziak

Wikimedia Commonsen badira fitxategi gehiago, gai hau dutenak: Jimmy Smith (musikaria)

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q318948
Multimedia: Jimmy Smith / Q318948

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.