Jimmy Raney

Jimmy Raney
Bizitza
Jaiotza	Louisville, 1927ko abuztuaren 20a
Herrialdea	Ameriketako Estatu Batuak
Heriotza	Louisville, 1995eko maiatzaren 9a (67 urte) (67 urte)
Familia
Seme-alabak	ikusi Doug Raney (en) ;
Jarduerak
Jarduerak	gitarra-jotzailea, jazz musikaria eta jazz guitarist (en)
Jasotako sariak	ikusi Paul Acket Award ;
Genero artistikoa	jazza
Musika instrumentua	gitarra
Diskoetxea	Criss Cross Jazz (en) ; Prestige

Jimmy Raney (Louisville, Kentucky, 1927ko abuztuaren 20a - ib., 1995eko maiatzaren 9a) estatubatuar jazzeko gitarra-jotzailea izan zen.

Ama ere gitarra-jotzailea zuen, eta hura izan zuen lehenengo irakaslea. Ondoren, Hayden Causeyrekin egon zen, eta harekin ezagutu zuen jazza, eta, batez ere, Charlie Christian. Hamazazpi urte zituela, Jerry Walden taldean jo zuen, bi hilabetez, New Yorken. 1944tik 1947ra bitartean, Chicagon aritu zen, Max Miller, Lou Levy, Lee Konitz eta Jay Burkhartekin batera. New Yorkera itzuli zenean, Woody Hermanekin aritu zen (1947-1948), eta ondoren, Al Haig hirukotean eta Buddy DeFranco seikotean jo zuen. Red Norvok Europara eraman zuen 1954an, Jazz Club USA kontzertu-birarekin. Urte horretan bertan, Les Elgart eta Teddy Charlesekin lan egin zuen. New Yorkeko Blue Angel aretoan, Jimmy Lyons piano-jotzailearekin aritu zen, 1955etik 1960ra bitartean. Don Elliotten laukotearekin, berriz, Thurber Carnival musika-komedian lan egin zuen. Denboraldi batez isilik egon ondoren (1964-1972), beste kontzertu-bira bat egin zuen. 1977ko urtearen hasieran, gitarra-bikote bat sortu zuen bere seme Dougekin, eta izugarrizko arrakasta izan zuten. Garai hartako musikagile handienek berarekin lan egin zuten: Herbie Stewart, Bill Perkins, Richie Kamuca, Tommy Flanagan, Martial Solal, Jim Hall, John Lewis, Eric Dolphy, Bob Brookmeyer. Raneyren lanek 1950eko hamarraldian izan zuten, batez ere, arrakasta, Stan Getzi eskerrak. Dotoretasuna eta adierazgarritasuna izan ziren haren musikaren oinarriak. Argitasun- eta sentiberatasun-nahaste berezi baten bidez, aberastasun harmoniko berezia ematen zion Raneyk nota eta akorde bakoitzari.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q724132

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.