Jesus Ioldi Bereau

Jesus Ioldi Bereau
	; Irudi gehiago
Granadako alkatea	; 1932ko apirilaren 27a - 1932ko irailaren 30a ; ← Francisco Menoyo Baños (en) - José Palanco Romero (en) →
Granadako alkatea
Bizitza
Jaiotza	Arizkun, 1894ko abenduaren 4a
Herrialdea	Nafarroa Garaia, Euskal Herria
Heriotza	1936ko urriaren 23a (41 urte)
Heriotza modua	heriotza zigorra: bala zauria
Hezkuntza
Heziketa	Zaragozako Unibertsitatea
Hezkuntza-maila	doktorea
Hizkuntzak	gaztelania
Jarduerak
Jarduerak	kimikaria, unibertsitateko irakaslea eta politikaria
Enplegatzailea(k)	Zaragozako Unibertsitatea ; Sevillako Unibertsitatea ; Granadako Unibertsitatea
Sinesmenak eta ideologia
Alderdi politikoa	Acción Republicana; Izquierda Republicana

Jesus Ioldi Bereau (Arizkun, 1894ko abenduaren 4a - Víznar, Granadako probintzia, 1936ko urriaren 23a) nafar kimikari eta politikaria izan zen.

Bizitza

Zaragozan batxilergoa ikasi ondoren, 1915ean Kimikako lizentzia burutu zuen hango unibertsitatean. 1917an doktoregoa lortu zuen Madrilgo Unibertsitate Zentralean. Zaragoza, Sevilla eta Cádizeko fakultateetan lan egin eta gero, 1924an Kimika Orokorreko katedra lortu zuen Granadako Unibertsitatean. 1928an Beatriz Pérez Pérezekin ezkondu zen; hiru seme izan zituzten: Jesús, Antonio Luis eta Victoriano.[1]

Unibertsitateko lanaz gain, Granadako bizitza politikoan ere hartu zuen esku. 1932ko apirilaren 27tik irailaren 30era hiriko alkatea izan zen. Uda hartan, argi eta garbi agertu zen José Sanjurjok eman zuen estatu kolpearen aurka. 1934an, Manuel Azañaren Izquierda Republicana alderdian sartu zen.[1]

1936ko uztailean, Frankoren altxamendu militarraren ostean, Guardia Civilak atxilotu zuen Capileiran, emaztearen sorterrian. Uztailetik urrira, Víznarren eraildako errepublikazaleak lurperatzera behartu zuten frankistek. Azkenik, urriaren 23an, bera ere fusilatu zuten.[1]

Erreferentziak

Mateo Alarcón, Pedro Luis, Gómez Oliver, Miguel, Mateo Leivas, Lidia, Hidalgo Álvarez, Roque,. Jesús Yoldi Bereau. generacionesdeplata.fundaciondescubre.es (Noiz kontsultatua: 2014-6-15).

Kanpo estekak

(Gaztelaniaz): Jesus Ioldiren biografia, generacionesdeplata.fundaciondescubre.es

Datuak: Q23649269
Multimedia: Jesús Yoldi Bereau / Q23649269

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[gplata-1] Mateo Alarcón, Pedro Luis, Gómez Oliver, Miguel, Mateo Leivas, Lidia, Hidalgo Álvarez, Roque,. Jesús Yoldi Bereau. generacionesdeplata.fundaciondescubre.es (Noiz kontsultatua: 2014-6-15).