Jeff Koons

Jeffrey 'Jeff' Koons (York, Pennsylvania, 1955eko urtarrilaren 21a) AEBetako artista ezagun bat da. Guggenheim Bilbao Museoaren aurrean egindako Puppy lanagatik da Euskal Herrian ezaguna, eta munduan, hori bezalako gai popular eta askotan hutsalen inguruan egindako lanengatik; adibidez, animalia-globoen erreprodukzioak, altzairu herdolgaitze distiratsuan egina. New Yorken eta bere jaioterrian Yorken, Pennsylvanian, bizi da eta bertan lan egiten du.

Jeff Koons
Irudi gehiago
Bizitza
Jaiotza	York (Pennsylvania), 1955eko urtarrilaren 21a (69 urte)
Herrialdea	Ameriketako Estatu Batuak
Lehen hizkuntza	ingelesa
Familia
Ezkontidea(k)	Ilona Staller  (1991ko ekainaren 1a -  1994)
Hezkuntza
Heziketa	Maryland Institute College of Art (en) School of the Art Institute of Chicago (en)
Hizkuntzak	ingelesa
Irakaslea(k)	Ed Paschke (en)
Jarduerak
Jarduerak	eskultorea, margolaria, argazkilaria, installation artist (en) eta diseinatzailea
Lantokia(k)	Munich Sarasota (Florida) Chicago Baltimore eta New York
Lan nabarmenak	ikusi Balloon Dog (Blue) Balloon Dog (Magenta) Kiepenkerl Puppy Rabbit (en) Vaccum (Jeff Koons) (en)
Jasotako sariak	ikusi Fellow of the American Academy of Arts and Sciences Berliner Bär  (2001)
Influentziak	Andy Warhol eta Marcel Duchamp
Kidetza	Royal Academy of Arts Arteen eta Zientzien Ameriketako Estatu Batuetako Akademia
Mugimendua	Pop Artea Postmodernitatea Arte kontzeptuala Minimalismoa
Genero artistikoa	izadi hila arte publikoa
jeffkoons.com

Bere lanak prezio ikaragarri garestietan saldu izan dira enkanteetan eta inoiz prezio errekorra ere lortu duen artista da. bat[1]. Kritikariak ez datoz bat esatean ea Koons serioa den ala garrantzirik ba ote duen artearen historian, kitsch hutsa dela ere esan izan diote, zinikoa eta auto-marketinean zenrtatua. Koonsek esana da ez dela ezkutuko esanahirik bilatu behar bere lanetan, eta ezkutuko kritikarik ere ez dagoela[2].

1990eko hamarkadan ezkondua egon zen Ilona Staller Cicciolina aktore porno italiarrarekin, eta hura irudi gisa erabili izan zuen zenbait lanetan. Horietakoren bat ikusgai egon zen Guggenheim Bilbao Museoaren irekieran, nahiz eta haren oroitzapen argiena Puppy txakurtxoa den, eta baita metalezko tulipa distiratsuen obra ezagun bat ere, kanpoaldetik ere ikusgai dagoena hori ere[3].