Jean Jauregiberri

Jean Jauregiberri
Bizitza
Jaiotza	Argentina, 1880
Herrialdea	Zuberoa
Heriotza	Aloze, 1952 (71/72 urte)
Familia
Anai-arrebak	ikusi Madeleine Jauregiberri; Clement Jauregiberri;
Hezkuntza
Hizkuntzak	euskara; gaztelania
Jarduerak
Jarduerak	medikua

Jean Jauregiberri edo de Jauréguiberry (Argentina 1880 – Aloze, Zuberoa 1952) Zuberoako Jauregiberri familia ezagunaren kidea da, medikua izateagatik nabaritu zena.

Artikulu hau Zuberoako familia euskaltzaleko kideari buruzkoa da; beste esanahietarako, ikus «Jauregiberri».

Biografia

Jauregiberritarrak denbora luzean Zuberoan herria eta hizkuntzaren alde eragile handienetakoak izan ziren. Bederatzi seme-alabaren artean lehena zen.

Bere emaztea Alozeko Gabrielle Grison izan zen. Lanbidez armadako sendagilea.

Bigarren Mundu Gerraren aurretik Piarres Lafittek bultzatzen zuen "Eskualherrizaleen mugimenduan" ibili zen. Espainiako Gerra Zibila dela eta Madalena arrebarekin hegoaldeko euskaldunen alde aritu zen, iheslariak laguntzen.

Bigarren Mundu gerran Zuberoa okupatzen zuten alemaniarren kontrako erresistentzian ibili zen[1], Pierre eta Allande (Arnaud) seme zaharrenekin batera; hirurak armadako sendagile. Allandek jeneral gradua dauka eta Alozen bizi da, erretretan.

Lanak

Euskaraz artikuluak idatzi zituen aldizkari batzuetan:

Lafitteren ekimenez sortutako Aintzinan.
Gure Herrian; Davantek bere antologia errefrentzialetan aldizkari honetan argitaratutako Xikitoka artikulua nabaritu du.

Haatik, bere obra nagusia frantsesez idatzi zuen, euskarazko izenburua badu ere:

Basabürüan; 1996an Jakes Sarraillet irakasleak euskaratu du Maiatz aldizkarian.

Iturriak

Jean-Louis Davant: Zuberoako literaturaz. Antologia laburra, Euskaltzaindia, Bilbo, 2008.
Jean-Louis Davant: Zuberoako idazle zenduak, Elkarlanean, Donostia, 2001.

Erreferentziak

Beste neba-arreba batzuk bezala; ikus Jauregiberritarrak.

Ikus, gainera

Zuberoako idazleak
Jauregiberritarrak

Kanpo loturak

Iturrietan aipatu lehen liburua pdf.n.
Medikuak Euskal Literaturan lana, Piarres Xarritonek egina; ikus 8.or., zeharka aipatua da.
Begoña Sarrionandiak Euskal idazle medikuen hiztegi laburra lana egin zuen Antso Jakituna Fundazioarentzat; UEUren Inguma datu-basetik internetez kontsulta daiteke; 31. (paperean 123.) orrialdean aipatua.
Joseba Aurkenerena: Urdiñarbeko Sibastarrak pastorala.

Datuak: Q12260308

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Beste neba-arreba batzuk bezala; ikus Jauregiberritarrak.