Jean Iribarne

Jean Iribarne
Bizitza
Jaiotza	Altzabeheti, 1814ko apirilaren 26a
Herrialdea	Zuberoa
Heriotza	Zalgize, 1890eko apirilaren 28a (76 urte)
Hezkuntza
Hizkuntzak	euskara
Jarduerak
Jarduerak	apaiza
Sinesmenak eta ideologia
Erlijioa	Erromatar Eliza Katolikoa

Jean Iribarne (Altzabeheti, 1814ko apirilaren 26 – Zalgize, 1890eko apirilaren 28) Euskal Herriko idazle eta apaiza izan zen.

Biografia

Altzabehetin jaioa, 1838an apaiztu zen; hori dela eta "Iribarne apaiza"[1]. Horren ostean hau izan zen bere ibilbidea, lan erlijiosoarekin lotuta egon zena:

1839an Oloroen bikario lanean.
1843an Eskiulan bikario. Hortik aurrera Zuberoako parrokia askotan erretorea izan zen:
1844an Garindainen.
1856an Arüen.
1862an Onizegainen.
1868an Sarrikotapean.
1873an Zalgizen; herri honetan hil zen.

Lanak

Almanak uskara edo Ziberouko Egunaria aldizkarian arduradun lana izan zuen 1887an sortu zenetik 1890an hil zen arte; orduan Felix Larrieu medikuak hartu zuen ardura. Datu gutxi dauden arren, Iribarneren hiru obraren berri dago[2]:

Ciberouco guthuna edo libria (1852).
Mysterio edo eguia guehienac (1856).
Sen Grat Oloroueco aphezcupiarentaco Mous de Lassalle catradaleco erretorac erran dutianac uscaraz ezariric (1879), itzulpena.

Erreferentziak

Frantsesez l'abbé Iribarne. Ikus Abbe Iribarne Auñamendi Eusko Entziklopedian.
Atharratzeko biltzarrak eta Atharratzeko taldea 14ko gerla atarian, Kepa Altonaga. Ikus 185-186.or.

Ikus, gainera

Altzabeheti
Almanak uskara edo Ziberouko Egunaria

Kanpo loturak

Jean-Louis Davant, Zuberoako literaturaz: antologia laburra, Euskaltzaindia, Bilbo, 2008. Artikuluko iturri nagusia; ikus 63.or.

Datuak: Q12260303

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Frantsesez l'abbé Iribarne. Ikus Abbe Iribarne Auñamendi Eusko Entziklopedian.

[2] Atharratzeko biltzarrak eta Atharratzeko taldea 14ko gerla atarian, Kepa Altonaga. Ikus 185-186.or.