Jean Guitton

Jean Guitton (Saint-Étienne, 1901eko abuztuaren 18a - Paris, 1999ko martxoaren 21a) frantses filosofo, idazle eta pentsalaria izan zen. Filosofia eta letretako ikasketak egin zituen, eta irakasle izan zen institutu batean (1924-1937), Montpellierko Unibertsitatean gero (1937-1946), Dijonekoan ondoren (1948-1954) eta Parisko Unibertsitateko Letretako Fakultatean 1955tik 1968ra. Charles de Gaulle, François Mitterrand, Louis Althusser eta Lord Halifaxen laguna izan zen, eta Joan XXIII.a, Paulo VI.a eta Joan Paulo II.a Aita Santuena. Katolizismo modernoaren oinarriak finkatzen lagundu zuen; Vatikanoko Bigarren Kontzilioan parte hartzen utzi zioten laiko bakarra izan zen. Haren pentsamenduan nabaria da Platon, Bergson eta Pougeten eragina, eta pentsamendu modernoaren eta katolizismoaren arteko harremanak aztertu zituen, batez ere. Filosofiaz, filosofiaren historiaz eta erlijioaren filosofiari buruz idatzi zuen: La philosophie de Newman. Essai sur l'idée de développement (1933, Newmanen filosofia. Bilakaeraren ideiari buruzko saiakera), La pensée moderne et le catholicisme (1936-1939, Pentsaera modernoa eta katolizismoa), Le problème de Jésus et les fondements du témoignage chrétien (1947, Jesusen auzia eta kristau lekukotasunaren oinarriak), Essais sur l'amour humain (1948, Gizakiaren maitasunari buruzko saiakerak), De la signification du cosmos (1966, Kosmosaren esanahiaz), La pensée et la guerre (1969, Pentsaera eta gerra).

Jean Guitton
17. seat 10 of the Académie française (en) 1961eko ekainaren 8a - 1999ko martxoaren 21a ← Léon Bérard - Florence Delay →
Bizitza
Jaiotza	Saint-Étienne, 1901eko abuztuaren 18a
Herrialdea	Frantzia
Lehen hizkuntza	frantsesa
Heriotza	Parisko 5. barrutia, 1999ko martxoaren 21a (97 urte)
Hobiratze lekua	chapelle du Deveix (en)
Familia
Anai-arrebak	ikusi Henri Guitton (en)
Hezkuntza
Heziketa	École normale supérieure lycée du Parc (en) Lycée Louis-le-Grand (en) Parisko Unibertsitatea
Hizkuntzak	frantsesa
Irakaslea(k)	Jacques Chevalier (en)
Ikaslea(k)	ikusi Louis Althusser
Jarduerak
Jarduerak	filosofoa, teologoa, idazlea eta unibertsitateko irakaslea
Parte-hartzailea Vatikanoko II. kontzilioa
Enplegatzailea(k)	La Croix Parisko Unibertsitatea
Lan nabarmenak	ikusi Ce que je crois (en)
Jasotako sariak	ikusi Arte eta letren komendadorea Grand prix de littérature de l'Académie française  (1954) Ohorezko Legioko komandantea Pierre Lafue Prize  (1989) Vitet Prize  (1941) prix Constant-Dauguet  (1949) Bordin Prize  (1934) Prix Ève Delacroix  (1970) Eugène Carrière Prize  (1942)
Influentziak	Sergei Bulgakov (en)
Kidetza	Frantses Akademia Académie des sciences morales et politiques
Zerbitzu militarra
Parte hartutako gatazkak	Bigarren Mundu Gerra
Sinesmenak eta ideologia
Erlijioa	Erromatar Eliza Katolikoa