Jean Dauger estadioa

2006 eta 2009ko udetan lanak egin ondoren, Baionako André-Grimard etorbidean dagoen estadiumak 16.934 ikusleentzako edukiera du, tribuna hauetan banatuta[1]:

• Ohorezkoa: 3.924
• Aldea: 3.309
• Ipar Bihurgunea: 3.500
• Ohorezko pisa-lekua: 1.280
• Aldeko pisa-lekua: 860
• Zelaiaren ipar bihurgunea: 372
• Zelaiaren hegoaldeko bihurgunea: 3.689

Errekorrak 1967ko maiatzaren 7an izan zuen non Akize eta Lurdako taldeen arteko partidan 23.201 ikusle izan ziren. 2009ko apirilaren 4eko Biarritz Olympiquen aurkako Top 14ko derbyan, berriz, 17.034 izan ziren.

2008/09 denboraldirako 52 m² dituen pantaila erraldoiak antzinako markagailu ordezkatu zuen.

Stadiuma Baionako zaleentzat txiki geratu eta Aviron Bayonnaiseko presidentea den Francis Salagoïtyk erreformaren berri eman du, atletismo pista de facto kenduz.

Jean Dauger zelaiaren gaueko ikuspegia Aviron Bayonnais eta Stade Toulousain errugbi taldeen arteko partiduan, 2013ko iraila.

Hasieran belodromoa zenez, Parc des Sports de Saint Léon izeneko stadiumera Frantziako Tourraren etapa asko heldu ziren. Futbolaz ere aritu zuten bertan.

Errugbiko partida inportanteak ere egin zituzten bertan:

• Yves du Manoir errugbi txapelketaren finalak
• Euskal kostaldeko selekzioaren All Blacksen aurkako partida.
• 1991ko Munduko Errugbi Txapelketa.

• Aviron Bayonnais
• Association Sportive Bayonnaise
• Peña Baiona ereserkia

• 
  Sarrera.
• 
  Armaila.
• 
  Afflelou armaila.
• 
  Sarrera nagusia.

Euskarazko Wikipedian bada atari bat, gai hau duena: Baiona

• Jean Dauger estadioaren planoa ikusgai. Abrugby.fr (Frantsesez)