Jean Dalbarade

Jean Dalbarade
Bizitza
Jaiotza	Biarritz, 1743ko abuztuaren 31
Herrialdea	Lapurdi, Euskal Herria
Heriotza	Donibane Lohizune, 1819ko abenduaren 31 (76 urte)
Hezkuntza
Hizkuntzak	frantsesa
Jarduerak
Jarduerak	politikaria, ofizierra eta kortsarioa
Jasotako sariak	ikusi San Luisen Errege Ordena Militarreko zalduna ;
Gradua	contre-amiral (en)

Jean Dalbarade edo d'Albarade (Miarritze, 1743ko abuztuaren 31 - Donibane Lohizune, 1819ko abenduaren 31) Lapurdiko militarra izan zen, kortsario ospetsu bilakatu zena. 16 urte zituela itsasoratu zen lehen aldiz. 1779. urtean Duchesse de Chartres ontziaren buru zela, ontzi ingeles bati eraso zion, baina hurbilean zeuden beste bi ontzi ingelesek menderatu eta eraman zuten D´Albarade 1780. urtera arte. Diru-zigorra ordaindu zuenean Aigle ontziaren kapitain bihurtu zen eta garaipen ugari lortu zituen ingelesen aurka.

Bere ontzian errege armadatik ihesi joanak onartzen zituelako salatu zuten, eta gobernuak itsaslapur izateko eskubidea kendu zion. Hala eta guztiz ere, armadan onartu, kapitain egin eta San Luisen ordenako izendatu zuten 1787. urtean. 1793. urtean Itsas arazoetarako ministro izendatu zuten, baina traidoretzat hartu zuten jakobino ez izateagatik, eta kargua kendu zioten. Azkenik, almiranteorde izendatu zuten.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q3171524

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.