Javier Díaz Neira

Javier 1994an iritsi zen Athletic Clubeko harrobira, gazteen mailan. Jaiotzez galiziarra izanda ere, Basaurin hazi zen gaztetatik. 1996ko azaroaren 27an Athletic Clubekin San Mamesen debuta egin zuen, Zalla Klub Bazkunaren aurka.[1] Hala ere, Bilbao Athleticen bi denboraldi egin ondoren, 1998an Lemoa KE taldearekin sinatu zuen. Urtebete geroago Gasteizko Aurrerak fitxatu zuen, Aritz Aduriz gazte-gaztearekin batera. 2001ean Unión Balompédica Conquense taldera joatea erabaki zuen, non "Zurro" entrenatzaile basauritarraren agindupean izan zen. Hiru kanpainen ondoren, Talavera Club de Fútbol taldearekin elkartu zen, non ez zuen arrakasta handirik izan eta Bigarren B Mailako bere etapari amaiera eman zion.[2]

2005-06ko lehen zatian San Leonardon jokatu zuen, Hirugarren Mailan. Hala ere, hilabete batzuk geroago hurrengo bost urteetan Gaztela-Mantxako hainbat klubetan jokatzera joan zen, hala nola, CD Quintanar de la Orden, Gimnástico de Álcazar, CP Villarrobledo eta CD Chozas de Canales.

2011n Palentziako Club Deportivo Aguilarrarekin bat egin zuen eta hilabete batzuk geroago Rayo Cantabriara joan zen.[3] 2016an erretiratu zen, Bizkaiko hainbat klubetan hiru denboraldi egin ondoren, hala nola, Erandion, Paduran eta Morazan.

Espainiako selekzioko beheko mailetan sarri aritu zen. 1995. urtean 16 urte azpiko Eurokopan parte hartu zuen, eta baita 17 urte azpiko Munduko Txapelketan ere.[4] Bietan, titularra izan zen.