Janet Baker

Janet Baker
	; Irudi gehiago
Bizitza
Jaiotza	Hatfield (en) , 1933ko abuztuaren 21a (90 urte)
Herrialdea	Erresuma Batua
Hezkuntza
Heziketa	York College for Girls (en)
Hizkuntzak	ingelesa
Jarduerak
Jarduerak	opera abeslaria, autobiografialaria, musikagilea eta eguneroko-idazlea
Jasotako sariak	ikusi Britainiar Inperioko Ordenaren dama komendadorea ; Léonie Sonning Music Prize (1979) ; Gramophone Award for Lifetime Achievement (2011) ; Royal Philharmonic Society Gold Medal (1990) ; Arte Errege Elkarteko Kide ; Arte eta letren komendadorea (1995eko abuztuaren 1a) ;
Genero artistikoa	musika klasikoa
Ahots mota	mezzosopranoa
Musika instrumentua	ahotsa
Diskoetxea	RCA Victor; EMI; Philips

Dame Janet Abbott Baker (Hatfield[[]], Hegoaldeko Yorkshire, Ingalaterra, 1933ko abuztuaren 21a) britainiar mezzo-sopranoa da.

Biografia

Londresen eta Salzburgon ikasia, 1953an debutatu zuen bakarlari gisa Haydnen Nelson meza kantatuz. 1956ean Kathleen Ferrier kantariaren ohorezko saria irabazi ostean, Smetanaren "Sekretua" obrako Rosaren papera eginez debutatu zuen operan. Harrezkero Bakerren musika-ibilaldia berehala hasi zen goraka. Garai horretan nabarmenak izan ziren Henry Purcellen "Dido eta Eneas" operan egin zuen sorginaren papera, Händelen Rodelinda operan egindako Eduigerena eta Monteverdiren L´incoronazione di Poppean antzeztu zuen Ottaviaren papera.

60ko hamarkadaren erdialdera, XX. mendeko opera britainiarreko paperak, bereziki Benjamin Britten musikagilearen obrei dagozkienak, antzezten hasi zen. 1964an The Rape of Lucretia operako protagonista izan zen, 1966an, New Yorken lehen aldiz kantatzeaz gainera, Brittenen A Midsummer Night´s Dreameko Hermia antzezpenarekin debutatu zuen Covent Gardenen eta 1971n, berriz, musikagile horrek Bakerrentzat idatzitako Owen Wingrave operako Kateren papera antzeztu zuen.

Mahleretik hasi eta Purcellenganaino era guztietako interpretazioak egin zituen. Lied erromantikoen kantari bikaina zen bestalde. 1981ean erretiratu zen kantagintzatik, baina aurretik bere lanaren aitorpen gisa 1970ean Britainiar Inperioaren Ordenako Komandante eta 1976 Dama Komandante tituluak jaso zituen Ingalaterrako erreginarengandik.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q241001
Multimedia: Janet Baker / Q241001

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.