Jan Lenica

Jan Lenica
	; Irudi gehiago
Bizitza
Jaiotza	Poznań, 1928ko urtarrilaren 4a
Herrialdea	Polonia
Heriotza	Berlin, 2001eko urriaren 5a (73 urte)
Hobiratze lekua	Powązki Military Cemetery (en)
Familia
Aita	Alfred Lenica
Ezkontidea(k)	Teresa Byszewska (en)
Anai-arrebak	ikusi Danuta Konwicka (en) ;
Hezkuntza
Heziketa	Warsaw University of Technology (en)
Hizkuntzak	poloniera
Jarduerak
Jarduerak	kartelgilea, margolaria, diseinatzaile grafikoa, animatzailea, unibertsitateko irakaslea, posta zigilu diseinatzailea, film-zuzendaria, diseinatzailea, eszenografoa, arkitektoa, artista grafikoa, ilustratzailea, artista bisuala, errealizadorea eta gidoilaria
	Parte-hartzailea Documenta III (en) ;
Lantokia(k)	Polonia
Enplegatzailea(k)	Berlin University of the Arts (en)
Jasotako sariak	ikusi Gold Cross of Merit‎ ; Officer of the Order of Polonia Restituta ;

Jan Lenica (Poznań, Polonia, 1928ko urtarrilaren 4a - Berlin, Alemania, 2001eko urriaren 5a) poloniar marrazkilaria izan zen.

Biografia

Alemaniarrek Polonia hartu zutenean, herrialdearen iparraldera alde egin zuen, baina preso hartu zuten, eta kontzentrazio-esparru batean egon zen zenbait astez. 1945ean zenbait marrazki bidali zituen Szpilki aldizkari satirikora. Marrazkiak egiteaz gainera, musika-ikasketak bukatu zituen. Ondoren, eskola politeknikoan hasi zen arkitektura ikasten, eta bien bitartean, testu kritikoak idatzi zituen, grafismoari eta karikaturari buruz; garai horretan egin zuen lehenengo erakusketa, eta Szpilki aldizkariko zuzendari artistiko bihurtu zen. Film Polski etxeko kartelak egiteko kontratua izenpetu zuen, eta aipatzekoak ditu La Strada (1956), Il Bidone (1957) eta Ifigenia (1962) lanetarako egin zituenak. Horrez gainera, erakusketa-standetarako dekorazioak osatu zituen. Animazio-zinemak erakarrita, Walerian Borowczykekin batera, hiru filmetako saila osatu zuen: Bazen behin (1957), Etxea (1958, Bruselako nazioarteko erakusketako film esperimentalen sari nagusia) eta Sentimendu sarituak. Lenicak, bestalde, hainbat animazio-lan egin zituen bere aldetik, eta collage teknika erabili zuen. 1963. urtetik aurrera, Parisen hartu zuen bizilekua. Garai horretan, ordura arteko estiloa utzi eta grafismo uhinduna landu zuen, indar handikoa eta dekorazioaren beharrik izango ez zuena. Gounoden Fausto operarako egin zuen kartelak (1963) eta Wozzeckerako egin zuenak erakusten dute marrazteko era berri hori. Azken lan hori, arte horren adierazkortasunaren ikurtzat hartzen da, gaur egun.

Erreferentziak

Wikimedia Commonsen badira fitxategi gehiago, gai hau dutenak: Jan Lenica

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q664300
Multimedia: Jan Lenica / Q664300

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.