Jacques Bens

Jacques Bens (Cadolive, 1931ko martxoaren 25a - Vaucluse, 2001eko uztailaren 26a) frantses eleberrigilea izan zen.

Jacques Bens
Bizitza
Jaiotza	Cadolive, 1931ko martxoaren 25a
Herrialdea	Frantzia
Lehen hizkuntza	frantsesa
Heriotza	Bédoin, 2001eko uztailaren 26a (70 urte)
Familia
Familia	ikusi Célestin Freinet (aitaginarreba)
Hezkuntza
Heziketa	lycée Périer of Marseille (en) Aix-Marseille University (1896-1971) (en)
Hizkuntzak	frantsesa
Jarduerak
Jarduerak	poeta
Jasotako sariak	ikusi Eleberri laburraren Goncourt saria  (1990) Fénéon Prize
Kidetza	College of 'Pataphysics (en)

Valentin (1958) eta La Plume et l´ange (1959, Luma eta aingerua) izan zituen lehenengo lanak —asko gustatu zitzaizkien Raymond Queneauri eta Boris Viani—. 1961ean, Sept Jours de liberté (Zazpi egun askatasunean) kontakizun-bilduma osatu zuen. Lan horretan, zazpi gazte dira protagonista, eta askatasunaz nola baliatu ez dakitela erakusten ditu egileak. La Trinité (1965, Hirutasuna) hartzen da Bensen lan maisutzat. Adieu Sidonie (1969, Agur Sidonie) eleberri kulturala da, baina kulturak ez dio eragozpenik jartzen idazketa-askatasunari. Liburua osatzen duten hamabi kapituluek hamabi liburu eta zodiakoko hamabi ikur dituzte oinarritzat: Boris Vian eta haren Herbe rouge I. kapitulua, Queneau eta Le Chiendent II. kapitulua, Joyce eta Ulises III. kapitulua eta abar. Rouge Grenade (1976, Granada gorria) lanean, kontakizunaren trama ezkutaturik gelditzen da eleberriaren eraikuntzaren azpian: hirurogei kapitulu, hamabi egun (bost kapitulu eguneko) eta hiru gai. Poema-liburuen artean, aipagarriak ditu: Retour au pays (1968, Herrialdera itzulera) eta 41 Sonnets irrationnels (1965, 41 soneto irrazional). Saiakera-egile gisa idatzi zituen Queneau (1962), Boris Vian (1976) eta Marcel Pagnol (1994).