Jack Beal

Jack Beal
Bizitza
Jaiotza	Richmond, 1931ko ekainaren 25a
Herrialdea	Ameriketako Estatu Batuak
Heriotza	2013ko abuztuaren 29a (82 urte)
Hezkuntza
Heziketa	School of the Art Institute of Chicago (en)
Jarduerak
Jarduerak	margolaria eta marrazkilaria
Lan nabarmenak	ikusi The Return of Spring/The Onset of Winter (en) ;
Izengoitia(k)	Beal, Jr., Walter Henry

Jack Beal (Richmond, Virginia, AEB, 1931ko ekainaren 25a - Oneonta, New York, 2013ko abuztuaren 29a) estatubatuar margolaria izan zen.

Biografia

Gaztetan oso osasun kaskarra izan zuen, eta amak zera esaten zion: «marraz ezazu, minaz ahazteko». Horrela zaletu zen marrazkigintzarekin eta trebatu zen alor horretan. Hala ere, ez zuen aparteko prestakuntzarik jaso, harik eta William and Mary eskolako irakasle batek eskola uzteko eta Chicagoko Arte Institutuan izena emateko aholkatu zion arte. Hala, hiru urtez ikasi zuen Arte Institutuan. Bitarte horretan, estilo espresionista abstraktuaren bideari heldu zion.

Azkenik, figurazioaren bidea hartu zuen bere lanetan, eta gaur egun margolari errealistatzat jotzen da. Kezka nagusia, halere, nahi adinako naturaltasunik ezin lortu izatea zen. Oro har, eta errealismorako duen grina dela eta, XVII. mendeko holandar margolariak izan zituen eredu; izan ere, Bealen iritzian, guk jan edo edan egiten dugun naturaltasun berberaz margotzen zuten haiek. Eragin handia izan zuen bere obran, halaber, Errenazimentuko arteak.

Kanpo estekak

(Ingelesez) Jack Bealen webgunea

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q12260115
Multimedia: Jack Beal / Q12260115

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.