Jérôme Savary

Jérôme Savary
Bizitza
Jaiotzako izen-deiturak	Jean Jérôme Savary
Jaiotza	Buenos Aires, 1942ko ekainaren 27a
Herrialdea	Frantzia
Heriotza	Levallois-Perret, 2013ko martxoaren 4a (70 urte)
Hobiratze lekua	Crématorium-columbarium du Père-Lachaise (en)
Heriotza modua	berezko heriotza: minbizia
Familia
Bikotekidea(k)	ikusi Mona Heftre (en) ;
Seme-alabak	ikusi Robinson Savary (en) ; Manon Savary (en) ;
Hezkuntza
Heziketa	École nationale supérieure des arts décoratifs (en)
Hizkuntzak	frantsesa
Jarduerak
Jarduerak	aktorea, antzerki zuzendaria, dramagilea, film-zuzendaria, tronpeta-jotzailea, gidoilaria eta zinema aktorea
Jasotako sariak	ikusi Ohorezko Legioko zalduna ; Arte eta Letren zalduna ;
Genero artistikoa	opera
Musika instrumentua	tronpeta
	laboiteareves.fr

Jérôme Savary (Buenos Aires, Argentina, 1942ko ekainaren 27a - Paris, Frantzia, 2013ko martxoaren 4a) antzerkilaria izan zen.

Bizitza

Aita frantsesa zuen, eta ama, berriz, estatubatuarra. Gaztaroa Frantzia, Hego Amerika eta Ameriketako Estatu Batuen artean igaro zuen. Grand Théâtre Panique (1965) konpainia sortu zuen, Fernando Arrabal espainiar antzerkilariarekin batera. Ondoren, berak bakarrik, Le Grand Magic Circus (1968) sortu zuen, eta harekin muntatu zituen Zartan, frère mal aimé de Tarzan (1970, Zartan, Tarzanen anaia gaitzetsia), Cendrillon et la lutte des classes (1973, Errauskine eta klaseen borroka) eta De Moïse à Mao (1974, Moisesetik Maora).

1970eko hamarraldiaren bukaeran, lan klasikoak eta operak antolatu zituen. Antzerki-zuzendaria izan zen frantses zerbitzu publikoan. Hainbat eskualdetako zentro dramatikoetako arduradun izan ondoren, Parisko Théâtre national de Chaillot zuzendu zuen 1988az geroztik. Horretaz gainera, espezialista egin zen lan lirikoetan (Prokofieven Gerra eta Bakea, 1991) eta antzerki musikaletan (Cabaret, 1987). Komedian ere aritu zen: Molièreren Aitoren seme burgesa lanean, M. Jourdainen papera egin zuen, eta hiru modu desberdinetan eraman zuen antzerkira (1981, 1989 eta 1996). 2000tik 2006ra, Opéra-Comique antzokiaren zuzendari izan zen. 2007tik 2013ra bere antzerki-taldea izan zuen: La Boîte à Rêves.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: Jérôme Savary

(Frantsesez) Jérôme Savaryren La Boîte à Rêves konpainiaren web-orria

Datuak: Q1367105
Multimedia: Jérôme Savary / Q1367105

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.