Jânio Quadros

Jânio Quadros
	; Irudi gehiago
24. São Pauloko alkate
; 22. Brasilgo presidente
São Pauloko alkate
Bizitza
Jaiotza	Campo Grande, 1917ko urtarrilaren 25a
Herrialdea	Brasil
Lehen hizkuntza	portugesa
Heriotza	São Paulo, 1992ko otsailaren 16a (75 urte)
Hobiratze lekua	Cemitério da Paz (en)
Familia
Ezkontidea(k)	Eloá Quadros (en)
Hezkuntza
Heziketa	São Pauloko Unibertsitatearen Zuzenbide Fakultatea ; São Pauloko Unibertsitatea ; Colégio Marista Arquidiocesano (en)
Hizkuntzak	portugesa
Jarduerak
Jarduerak	abokatua eta politikaria
Lantokia(k)	Brasilia
Jasotako sariak	ikusi Grand Cross of the Military Order of Christ ; Grand Officer of the Military Order of Christ ; Grand Officer of the Order of Prince Henry ;
Sinesmenak eta ideologia
Alderdi politikoa	Alderdi Kristau Demokrata

Jânio Quadros (Campo Grande, Mato Grosso, 1917ko urtarrilaren 25a - São Paulo, 1992ko otsailaren 16a) brasildar politikaria izan zen, Brasilgo Errepublikako presidentea 1961ean.

Bizitza

Politikari gisa, Sao Pauloko estatuan hasi zen, populismoaren ildotik. São Paulo hiriko zinegotzia izan zen, alkatea ere bai (1953-1954), eta izen bereko estatuko gobernadorea (1955-1959). Alderdi politikoen egituraz baliatu zen, baina alderdi edo programa jakin batekin identifikatu gabe. São Paulon lan txukuna egin zuen administrazioan; gastuak murriztu zituen, eta kudeaketa eraginkorra egin zuen.

Juscelino Kubitschek lehendakariaren nahiaren aurka, zenbait alderdiren laguntza jaso zuen, eta gobernurako hautagaia Henrique Lott mariskala garaitu zuen 1960ko lehendakaritzarako hauteskundeetan. Lehendakari izendatu zutenez gero (1961), administrazio zuzenaren alde saiatu zen, eta inflazioaren aurkako politika bultzatu. Kanpo-politikan, berriz, Estatu Batuen eta Sobietar Batasunaren arteko gerra hotzaren erdian, neutrala izaten saiatu zen, Gamel Abdel Nasser egiptoarraren, Tito jugoslaviarraren eta Jawaharlal Nehru indiarraren ildotik. Beraz, ordu arte Brasilen ohitura izan zena hautsiz, beti Estatu Batuen esanetara egoteari utzi zion.

Aurreko gobernari gehienen oposizioari aurre egin ezinik, karguaren dimisioa eman zuen urte horretan bertan, abuztuan. 1964ko kolpe militarrak politikarako eskubideak ukatu ondoren, 1979ko amnistiarekin heldu zion ostera politikari, eta Sao Pauloko alkatea izan zen berriro, 1986tik 1989ra.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Jânio Quadros

Datuak: Q310123
Multimedia: Jânio Quadros / Q310123

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.