Iván Velásquez Gómez

Medellínen jaioa, zuzenbidea ikasi zuen Antioquiako Unibertsitatean. Antioquiako Abokatuen Elkargoko, COLEGASko auzilaria eta zuzendaria izan zen, eta handik Estatuto de defensa de la justicia delakoaren aurka egin zuen, aurpegirik gabeko epaileak eta lekuko sekretuak ezartzen zituena. 1991. eta 1994. urteen artean Antioquiako Departamentuko Fiskal kargua izan zuen, eta torturarekin lotutako ikerketak aurreratzeaz arduratu zen, hala nola, UNASE, Bahiketaren Aurkako Unitateak; indar publikoek egindako exekuzio estrajudizialak eta tropek gerrillaren aurkako ekintzetan egindako populazio zibilaren aurkako gehiegikeriak.

2013ko abuztuaren 31an, Nazio Batuen Erakundeko Idazkari Nagusiak, Ban Ki-moon Velásquez izendatu zuen Guatemalako Zigorgabetasunaren aurkako Nazioarteko Komisarioa, Francisco Dall’Anese-ren ordez.[1] Besteak beste, Otto Pérez Molina Guatemalako presidentearen gainbera egotzi zioten.[2]

2017ko abuztuaren 27an, Jimmy Morales Guatemalako presidenteak iragarri zuen Velásquez herrialdetik kanporatuko zuela, "non grato" deklaratu ostean. Abuztuaren 29an, Auzitegi Konstituzionalak epai historiko bat eman zuen presidentearen plana aldatu eta komisarioa kanporatzeko erabakia «behin betiko» bertan behera utziz. Auzitegiak onartu zuen, hiru epaileren aldeko botoarekin eta bi magistraturen kontrakoarekin, Jordán Rodas, Guatemalako Giza Eskubideen Prokuradoreak, kanporatzeko erabakiaren aurka egin zuen. Auzitegiak "non grato" adierazpenak Guatemalako Konstituzioaren 182. eta 194. artikuluak urratu zituela, kontuan hartuta Jimmy Moralesek ez zuela bere ministroen laguntzarik izan, Carlos Raúl Morales Atzerri ministroa izan zen bakarra. [3]

Urtebeteren buruan, 2018ko abuztuaren 31n, Jimmy Morales presidenteak Barne, Atzerri Arazoetako, Defentsa, presidenteordea eta militarrez inguratuta prentsaurreko batean iragarri zuen CICIGen agintaldia ez berritzea eta, beraz, batzordeak funtzioak utzi zituen 2019ko irailaren 3an, batzordetik Ministerio Publikora eginkizunak berehala transferitzea ere agindu zuen. Konferentzian argudiatu zuen Nazio Batuen Erakundeko idazkari nagusiak ez zuela aintzat hartu gobernuak komisarioa ordezkatzeko egindako eskaera. [4] Velásquez komisarioa 2018ko irailaren 2an Estatu Batuetara bisita ofizial batean parte hartu zuen, egun bat beranduago, Jimmy Morales presidenteak Segurtasun Nazionalaren Kontseiluarekin batera komisarioa Guatemalara itzultzea eragozteko agindua eman zuen, eta horrek nazioartean kritika olatu bat eragin zuen. [5]

• 2018ko irailaren 24an, Thelma Aldanak eta Iván Velásquezek Right Livelihood saria jaso zuten, Alternatiba Nobel Saria bezala ere ezaguna, ustelkeriaren eta inpunitatearen aurkako borrokaren aitorpen gisa.[6]