Iván Pedroso

Iván Lázaro Pedroso Soler (iˈβan peˈðɾoso; Habana, 1972ko abenduaren 17a) kubatar atleta da, luzera jauzian espezializatua.

Iván Pedroso
Irudi gehiago
Bizitza
Jaiotzako izen-deiturak	Iván Lázaro Pedroso Soler
Jaiotza	Habana, 1972ko abenduaren 17a (51 urte)
Herrialdea	Kuba
Lehen hizkuntza	gaztelania
Hezkuntza
Hizkuntzak	gaztelania
Jarduerak
Jarduerak	atleta eta entrenatzailea
Atletismoa Kirol diziplinak luzera-jauzia Errekorrak Berezitasuna Irizpidea Data M Marka pertsonalak Berezitasuna Lekua Data M
Parte-hartzailea 2004ko Udako Olinpiar Jokoak 2000ko Udako Olinpiar Jokoak 1996ko Udako Olinpiar Jokoak 1992ko Udako Olinpiar Jokoak
Pisua	66 kilogramo
Altuera	176 zentimetro

Hamaika urte zituela hasi zen atletismoan, eta zaletasun horretan lagungarri gertatu zitzaion 1991ko Joko Panamerikarrak egin ziren estadiotik hurbil bizi izana eta Kuban eliteko kirolariek jasotzen duten laguntasuna. Hamazazpi urte zituenerako zortzi metro luzetik gora jauzi egiteko gai zen. 1992ko Bartzelonako Olinpiar Jokoetan laugarren gelditu zen. Hurrengo urteetan munduko txapelketa ezin jokaturik gelditu zen, min hartuta zegoelako, baina 1995ean, Sestrièren, garaipena lortu zuen eta ordu arte estatubatuarren esku egondako nagusitasuna eskuratu zuen. Hain zuzen ere, Mike Powellen errekorra gainditu zuen 8,96 metroko markarekin, baina historiarako betiko erregistratuta gelditu den arren, marka hura ez zen ofizialtzat onartu, klimatologia aldeko zuela eta: anemometroak zioen onargarria zela jauzia, baina eztabaida luzeen ondoren Atletismo Amateurreko Nazioarteko Federazioak ez zuen marka homologatu. Urte hartan bertan Joko Panamerikarretako urrezko domina irabazi zuen (Carl Lewisek eta Mike Powellek zuten marka gaindituta) eta denboraldiko munduko markarik onena lortu zuen Salamancan. 1996ko Atlantako Olinpiar Jokoetan min hartu zuen eta ezin izan zuen garaipena eskuratu, baina 1997an pista estaliko munduko txapelketan, Lievinen (Frantzia), irabazle izan zen.