Itziar Aduriz
Itziar Aduriz Agirre (Errenteria, 1965ko otsailaren 10a) hizkuntzalaria eta irakaslea da Bartzelonako Unibertsitatean.[1] Kidea da Ixa Taldean eta Hitz Zentroan.[2][3]
| Itziar Aduriz | |
|---|---|
| Bizitza | |
| Jaiotza | Errenteria, 1965eko otsailaren 10a (59 urte) |
| Herrialdea |  Gipuzkoa, Euskal Herria |
| Hezkuntza | |
| Heziketa | Euskal Herriko Unibertsitatea |
| Tesi zuzendaria | Arantza Diaz de Ilarraza Sanchez Patxi Goenaga |
| Doktorego ikaslea(k) | Uxoa Inurrieta Josep del Rio Rodríguez |
| Hizkuntzak | euskara gaztelania |
| Jarduerak | |
| Jarduerak | hizkuntzalari konputazionala eta unibertsitateko irakaslea |
| Enplegatzailea(k) | Bartzelonako Unibertsitatea UZEI |
| Lan nabarmenak | |
| Kidetza | Ixa taldea Udako Euskal Unibertsitatea |
 | |
Deustuko Unibertsitateko EUTG Eskolan Euskal Filologian lizentziatu zen 1988an. Besteak beste Miren Azkarate eta Patxi Altuna izan zituen irakasle. Euskal Filologiako doktorea da, eta lexikografia, corpusgintza, sintaxi konputazionala dira haren lan esparruak. UZEIn hasi zen lanean 1984an. Eta ia hasieratik da kidea Ixa Taldean.
Irakaslea Bartzelonako Unibertsitatean
Eskolak eta ikastaroak ematen ditu BartzelonakoUnibertsitatean. Filologia Fakultatean bi igai irakasten ditu: Euskara hizkuntzarako sarrera (Introducció a la Llengua Basca) eta Hizkuntzalaritzarako sarrera (Introducció a la Lingüística).[1]
Udako Euskal Unibertsitatean, eta Euskal Herriko Unibertsitatean ere hainbat ikastaro eman ditu.
Ikertzailea hizkuntzaren prozesamenduan
Sintaxi konputazionala
Euskal Filologian doktorea da, Patxi Goenagaren zuzendaritzapean euskarazko sintaxi konputazionala lantzen aitzindari izan zen "EUSMG: morfologiatik sintaxira murriztapen gramatika erabiliz" izeneko tesiarekin (Euskal Herriko Unibertsitatea, 2001).[4] Lehenago ere hasia zen Ixa taldean ikertzen eta Xuxen zuzentzaile ortografikoa eta Euskararen Datu-base Lexikala garatu zituen lantaldean ere parte hartu zuen.[5]
Corpusgintzan eta lexikografia
Ikerlaria izan zen Ixa taldean eta aditua da euskararen corpusgintzan, lexikografian eta sintaxi konputazionalean.[6]
Udako Euskal Unibertsitateko kidea
Udako Euskal Unibertsitateko Hizkuntzalaritza Sailean ere aritu izan da irakasle gisa hainbat urtez. UEUko informatikako sailburua izan da hainbat urtez, baita Hizkuntzalari Euskaldunen Bilkuren antolatzaileetako bat. Liburu hauek argitaratu zituzten:
- Hizkuntzalari euskaldunen III. topaketa: Zer berri?. Itziar Aduriz Agirre, Ruben Urizar Enbeita (UEU, 2019)[9]
- Euskal hizkuntzalaritzaren egungo zenbait ikerlerro. Hizkuntzalari euskaldunen I. topaketa. Itziar Aduriz Agirre, Ruben Urizar Enbeita (UEU, 2014)
Euskal komunitate zientifikoaren Inguma datu-basean, berak idatzitako 34 lan baino gehiago agertzen dira.[7]
Sariak eta errekonozimenduak
Hainbat sari lortu ditu Itziar Adurizek Ixa Taldeko kide moduan; besteak beste hauek:
- 2013: IXA Taldeak Abbadia Saria jaso zuen Gipuzkoako Foru Aldundiaren eskutik
- 2013: Donostiako udalaren eskutik Ixa Taldearen aldeko adierazpen instituzionala.
- 2012: Ibilaldian omendua izan zen teknologia berrietan euskara sartzeko egindako lanengatik, beste hauekin batera: Lapurdiko Harluxetar lehengusu ingeniariak: Klaudio Harluxet eta René Harluxet; Aurki, Sustatu, Codesyntax: Luistxo Fernandez. UEUko Informatika saila: Olatz Arbelaitz; EHUko Donostiako Informatika Fakultatea (Ixa Taldea eta Itziar Aduriz tartean; EHUko Aholab Taldea: Inma Hernaez; puntueus: Iratxe Esnaola; kaixo.com: Aitor Lopez de Aberasturi; Erentzun ikastola: Fultxo Crespo; Hachtibista, sare sozialak: Gorka Julio; Euskal Jakintza: Maite Goñi.
Erreferentziak
- «Itziar Aduriz | Departament de Filologia Catalana i Lingüística General» departament-filcat-linguistica.ub.edu (Noiz kontsultatua: 2021-07-09).
- Aduriz, Itziar. (2020). Hitz Zentroa, kideak. UPV/EHU.
- «Itziar Aduriz | Ixa taldea» ixa.si.ehu.eus (Noiz kontsultatua: 2021-09-05).
- Aduriz Agirre, Itziar. (2001). EUSMG: morfologiatik sintaxira murriztapen gramatika erabiliz. (Noiz kontsultatua: 2021-07-09).
- «Leihoak Zabalduz. Windows95 euskaratua, hizkuntza makinen bidez lantzeko tresna berriak... Informatikaren eta euskararen arteko muga esploratu gabeetan barrena abiatu gara - Wikiteka» eu.wikisource.org (Noiz kontsultatua: 2020-04-25).
- Itziar Adurizen argitalpenak Ixa Taldearen webgunean
- Itziar Aduriz Agirre irakaslearen produkzioa Inguma datu-basearen arabera (>30 produktu)
- Udako Euskal Unbertsitatea. «HARRERA-MEZUA» IkerGazte 2021 (Noiz kontsultatua: 2021-07-09).
- «Hizkuntzalari Euskaldunen III. Topaketa: Zer berri?» www.ueu.eus (Udako Euskal Unibertsitatea) (Noiz kontsultatua: 2018-12-09).
