Iribe jauregia

Iribe jauregia Gipuzkoako Azkoitia udalerrian dagoen dorretxe bat da. 1964ean Gipuzkoako kultura ondasuna izendatua izan zen. Azkoitiko Alde Zaharran eta Urola ibaia zeharkatzen duen zubiaren alboan dago, Balda plazan eta Errekalde etxearen alboan.

Iribe jauregia
Iribe jauregiaren irudia.
Irudi gehiago
Kokapena
Herrialdea Euskal Herria
Probintzia Gipuzkoa
UdalerriaAzkoitia
Koordenatuak43°11′N 2°19′W
Map
Historia eta erabilera
Irekiera1514 (egutegi gregorianoa)
Arkitektura

    1514ean eraiki zen eta gotiko, pizkunde eta barroko estiloko arkitektura du.

    Eraikina

    Eraikin bakartua da, aski garaia (lau solairukoa), eta oinplano angeluzuzena du. Harlanduxkaz egina dago, eta gutxi landua badago ere, itxura ona du.

    Aurreko aldean, beheko solairuan, arku bat ageri da, zertxobait zorroztua, eta beste sarbide bat ere badu, modernoagoa. Solairu nagusian, lehenengoan, lau bao konopial ditu, oso handiak. Solairuarteak eta ganbarak leiho dinteldunak dituzte, interes handirik gabeak.

    • Lehio baten xehetasuna.
      Lehio baten xehetasuna.

    Eskuineko aldean, solairu nagusiko balkoiak nabarmentzen dira (ezkerrekoak arku konopiala du). Gainerako aldeetan, ez dago elementu interesgarririk. Burdin lan guztiak barrokoak dira.

    Eraikin hau berritu egin zuten, eta egun oso ongi dago. Zati batean jendea bizi da urte guztian, eta bestea hutsik egoten da zenbait alditan. Barruko aldea oso interesgarria da. Badirudi, lehen udal ordezkariak hautatzeko bilerak eraikin horretan egin zituztela anaidiek.

    Ikus gainera
    • Gipuzkoako kultura ondasunak

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.