Irati Erakustazoka

Irati Erakustazoka (frantsesez Halle d'Iraty) Biarrizko (Lapurdi) erakusketa gunea da.

Artikulu hau Biarrizko erakustazokari buruzkoa da; beste esanahietarako, ikus «Irati (argipena)».
Irati Erakustazoka
Kokapena
Herrialdea Euskal Herria
Probintzia Lapurdi
HerriaBiarritz
Koordenatuak43°27′55″N 1°32′12″W
Map
Historia eta erabilera
Irekiera2010
Arkitektura

    Datuak

    Biarrizko hego-ekialdean kokatuta dago, Pitchot karrikan, Biarritz-Angelu-Baionako aireportua eta Harausta auzoaren artean eta Angeluko Brindos auzoaren ondoan. Izena Irati industrialdearen[1] ondoan egoteagatik ipini zitzaion.

    2010eko urtarrilean zabaldu zen urte bi iraun zuten lanak amaitu eta gero. Biarrizko Herriko Etxeak eta Euskal Kosta-Aturrik (orduan CABAB) deitzen zenak) bultzatutako ekimena da. Ipar Euskal Herrian eraiki den lehen erakustazoka da; 8000 m²ko azalera du eta hiru eremutan banatzen dira: bat azoketarako, bigarrena 1500 lagunentzako kongresuak egiteko eta hirugarrena 4500 lagunentzako ikuskizunetarako[2].

    Aparkaleku handia izateaz gain, bere kokapena oso egokia da aipatu ekimenetarako, Biarritz-Angelu-Baionako aireportuaren ondoan eta Biarrizko geltokitik zein A-63 autobideko Haraustako ordainlekutik hurbil dagoelako. Bere inguruan merkataritza eta industria gune handia garatu nahi dute.

    Azokak

    Zabaldu zenetik hauexek dira bertan antolatu diren zenbait azoka:

    • Éco'vie: lehena izan zen.
    • Ardo eta Gastronomiaren Saloia.
    • Camping carren Saloia.
    • Zaharkizaleen Saloia.
    • Vivrexpo.
    • Nagusien Saloia.
    • Solutions Maison azoka.
    • Innobat.
    • Lurrama: 2011n Baionatik erakustazoka honetara lekualdatua.

    Erreferentziak
    1. Frantsesez Zone d’Activités d’Iraty.
    2. La Halle d'Iraty ouvre ses portes, Biarrizko Herriko Etxearen webgunea.

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.