Inishowen
Inishowen (irlanderaz: Inis Eoghain, euskaraz Eoghanen uhartea esan nahi du) Irlandako ipar-mendebaldean dagoen Donegal konderrian kokatzen den penintsula bat da. Berez, Irlanda osoko penintsularik handiena da. Bertako udalerririk handiena Buncrana da.
| Inishowen | |
|---|---|
 | |
| Mota | penintsula |
| Geografia | |
 | |
| Koordenatuak | 55°12′26″N 7°17′55″W |
| Estatu burujabe |  Irlandako Errepublika |
| Province of Ireland |  Ulster |
| Irlandaren banaketa administratiboa |  Donegalgo konderria |
| Ur-gorputza | Ozeano Atlantikoa |
Geografia
Swilly aintzirak eta Foyle aintzirak mugatzen dute Inishowen penintsula. Foyle aintzirak gainera Ipar Irlandako Derryko konderriarekin muga egiten du. Aintzira hauek glaziazio garaian sorturiko fiordoak dira berez.
Penintsulak 884.33 km²-ko azalera du. Barnealdean muino ugari ditu, garaiena Sliabh Sneacht (elurrezko mendia) da 619 metroko altuerara iristen dena. Penintsularen iparraldeko lurmuturra, Malin Head, Irlanda uharte osoan iparralderen dagoen puntua ere bada.
Inishowengo udalerriak
- Ballyliffin
- Buncrana
- Bridgend
- Burnfoot
- Burt
- Carndonagh
- Carrowmenagh
- Clonmany
- Culdaff
- Dunaff
- Fahan
- Glengad
- Gleneely
- Greencastle
- Killea
- Malin
- Malin Head
- Moville
- Muff
- Newtowncunningham
- Redcastle
- Quigley's Point
Historia
V mendeko irlandar erregea izan zen Eógan mac Néillek ematen dio izena penintsulari eta bere ondorengoa zen Mac Lochlainn familiaren sorterria izan zen Inishowen penintsula. Hauen gainbehera iritsi zenean Ó Dochartaigh (O'Doherty) familia jabetu zen lurraldeaz.
1196an John de Courcy anglo-normandiarrak penintsula erasotu eta harpillatu zuen. Bi urte beranduago O'Neill familiak kanporatu zuen De Courcy.
Iruditegia
- Inishowen Head
Greencastleko kaia
Kanpo estekak
- Inishowengo turismo bulegoaren webgunea (Ingelesez)
