Iktiologia

Iktiologia arrainak aztertzen dituen zoologiaren adarra da. Iktiologiaren eremu nagusiak taxonomia (arrainen sailkapenak), morfologia, anatomia, etologia, ekologia eta fisiologia dira. XIX. mendea arte taxonomiaren alorrean egin ziren lanik handienak, arrain-espezie berriak sailkatzen eta sailkatuak zeudenen arteko erlazioak zehazten, alegia. XX. mendean ozeanografia-azterketen gorakadaren ondorioz eta urpean azterketak egin ahal izateko teknologiaren aurrerapenari esker, arrainen bizitzaz eta jokaeraz azterketak egiteko bide berria ireki zen. Era berean, laborategietan, unibertsitateetan eta abarretan ikerketa ugari egin dira arrainen anatomiaz. 25.000 arrain-espezie inguru deskribatuta daude, eta urtero-urtera dozenaka espezie berri sailkatzen dira.

Iktiologiak arrainak aztertzen ditu.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q60242
Multimedia: Ichthyology / Q60242

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.