Iker Jiménez

Iker Jiménez
	; Irudi gehiago
Bizitza
Jaiotzako izen-deiturak	Iker Jiménez Elizari
Jaiotza	Gasteiz, 1973ko urtarrilaren 10a (51 urte)
Herrialdea	Araba, Euskal Herria
Familia
Ezkontidea(k)	Carmen Porter
Hezkuntza
Heziketa	Madrilgo Complutense Unibertsitatea : kazetaritza; Madrilgo Unibertsitate Europarra
Hizkuntzak	gaztelania
Jarduerak
Jarduerak	telebista aurkezlea, ufologist (en) , idazlea, kazetaria, youtuberra, telebista-ekoizlea eta musikaria
Enplegatzailea(k)	SER 2015); Antena 3 Radio ; youtuber ; Mediaset España (2015 -
Jasotako sariak	ikusi Ondas Sariak (2015) ; Urrezko Antena (2004) ; Urrezko Antena (2015) ;
Genero artistikoa	saiakera; eleberria; misterioa
	ikerjimenez.com

Iker Jiménez Elizari (Gasteiz, Araba, 1973ko urtarrilaren 10a) gaztelaniazko kazetaria da. Zientzia eta Informazio karrerako lizentzia eskuratu zuen Madrilgo Complutense Unibertsitatean eta Europar Unibertsitatean lizentziatu zen. Emaztea du Carmen Porter kazetaria, eta harekin batera egiten ditu Cuatro telebista kateko Cuarto milenio eta SER irrati kateko Milenio 3 saioak.

Ibilbide profesionala

Bere ibilbide profesionalaren hasieratik esoterismoari, magiari, naturaz gaindiko eta sasi-zientziazko gaiei buruzko irratsaioetan berezitu da, eta kirolei eta gertakariei buruzkoetan ere jardun du. 1999an arrakasta handiz argitaratu zuen bere lehendabiziko liburua, Enigmas sin resolver ("Ebatzi gabeko enigmak"), eta ordudanik maiz agertu izan da Espainiako liburu salduenen zerrendan.

Gaur egun, Espainiako Cuatro telebista katean Cuarto milenio ("Laugarren milurtekoa") saioa aurkezten du; eta SER irrati katean, Milenio 3 ("3 milurtekoa") irratsaioa. Bietan, naturaz gaindiko gaiak eta argitu gabeko enigmak jorratzen ditu, gaueko orduetan, betiere elkarrizketa bidez eta berak ikerketa lan modura aurkezten duenaren arabera. Iker Jiménezek bere saioei "misterio-ontziak" deitzen die. Cuatrok Confidenciales Iker Jiménez ("Iker Jimenez konfidentzialak") deituriko dokumental saioen ardura eman dio. Horietako lehena 2008ko uztailaren 18an aireratu zen, eta Txernobylgo hondamendiari buruzkoa izan zen.

Lana hedabideetan

Irratia

Milenio 3 saioa, 2001etik, SER katean.

Telebista

Cuarto milenio saioa, 2005etik, Cuatro kanalean.
Al otro lado saioa, 2013an, Telecinco kanalean.

Idazlanak

Saiakerak eta jendarterako liburuak

Enigmas sin resolver: los "expedientes X" más sorprendentes e inexplicables de España (Edaf, 1999)
El paraíso maldito: un viaje al rincón más enigmático de nuestra geografía (Corona Borealis, 1999)
Enigmas sin resolver II (Edaf, 2000)
Fronteras de lo imposible (Edaf, 2001)
Encuentros: el enigma OVNI (Edaf, 2002)
Tumbas sin nombre (Edaf, 2003) - Luis Mariano Fernándezekin batera idatzita.
La noche del miedo (Edaf, 2004)
Biblioteca del misterio Iker Jiménez: El misterio de las caras de Bélmez (Aguilar, 2005) - Luis Mariano Fernándezekin batera idatzita.
Milenio 3: el libro (Aguilar, 2006)
Cuarto Milenio Liburutegia (25 liburuki; Aguilar, 2007) - Liburutegiaren zuzendaria.
Más allá de la muerte. Cuarto Milenio Liburutegia (Aguilar, 2010) - Santiago Camacho eta Pablo Villarrubiarekin batera idatzita.
Expedición Cuarto Milenio. Cuarto Milenio Liburutegia(Aguilar, 2011) - Carmen Porterrekin batera idatzita.
Aventura Cuarto Milenio. Cuarto Milenio Liburutegia (Aguilar, 2011) - Carmen Porter eta Gerardo Peláezekin idatzita.

Eleberria

Camposanto (Suma de Letras, 2005)

Kanpo loturak

(Gaztelaniaz) Iker Jiménezen webgune Ofiziala
(Gaztelaniaz) Cuarto Milenio saioaren webgunea
(Gaztelaniaz) "Dossier Iker Jiménez", Círculo Escéptico.
(Gaztelaniaz) Miguel Catalánen elkarrizketa Iker Jiménezi, El Octavo Samurái webgunea.

Datuak: Q612005
Multimedia: Iker Jiménez / Q612005

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.