Igor Arrieta

Igor Arrieta Lizarraga (Uharte Arakil, 2002ko abenduaren 8a) txirrindulari nafarra da, 2022tik aurrera profesionala Kern Pharma taldean.

Artikulu hau Igor Arrieta Lizarragari buruzkoa da; beste esanahietarako, ikus «Arrieta (argipena)».
Igor Arrieta

Bizitza
Jaiotzako izen-deiturakIgor Arrieta Lizarraga
JaiotzaUharte Arakil, 2002ko abenduaren 8a (21 urte)
Herrialdea Nafarroa Garaia, Euskal Herria
Familia
AitaJose Luis Arrieta
Familia
Hezkuntza
Hizkuntzakeuskara
gaztelania
Jarduerak
Jardueraktxirrindularia
Ibilbidea
TaldeakUrteak
Kern Pharma (ikaslea)2021eko abuztuaren 1a-2021eko abenduaren 31
Kern Pharma 2022-2023
UAE Team Emirates 2024-
Galibier Txirrindulari Elkartea 2021eko urtarrilaren 1a-2021eko uztailaren 31
Sakana Group-Aralar TT (en) Itzuli 2019-2020
 
Instagram: igorarrieta8 Edit the value on Wikidata

Kirol ibilbidea

Amateurretan

José Luis Arrieta txirrindulari ohiaren semea da[1],[2]. Bederatzi urtekin hasi zen txirrindularitzan, Aralar Txirrindulari Taldean.

2019ko denboraldian, bigarren sailkatu zen Espainiako errepideko eta erlojupeko txapelketetan junior mailan (19 urtez azpikoak). Gante-Wevelgem juniorrean hamargarren amaitu zen[3] eta Europako zein Munduko txapelketetan parte hartu zuen.

2020an, Espainako ziklo-kros txapelketa junior eskuratu zuen [4], horretaz gain Euskal Herriko eta Nafarroako txapelketak poltsikoratu zituen[5].

Espainiako erlojupeko txapelketan zilarrezko domina eskuratu zuen eta abuztuan, berriro ere, Europako junior txapelketan parte hartu zuen, non hamargarren sailkatu zen erlojupeko proban[6].

Emaitza onek Lizarte taldera eraman zuten 2021an (Kern Pharmaren afizionatuak). Igor ondo egokitu zen eta bost garaipen lortu ziten. Ekainean 23 urtez azpikoen Espainiako errepideko txapelketa irabazi zuen. Jarraian, Etorkizuneko Tourrean aritu zen, Carlos Rodríguez taldekidearen laguntzaile.

Profesionaletan

2022an profesionaletara pasatu zen Kern Pharma taldean. Otsailean O Gran Camiñon zazpigarren amaitu zen, gazte onenaren saria eskuratuz. Apirilean 4. sailkatu zen Alpeetako Tourreko azken etapan, 6. Asturiasko Itzulian (gazte onena) eta 34. bere lehenbiziko World Tour proban Euskal Herriko Itzulian.

2023ko urtea ondo hasi, baina Jurako Tourraren amaieran izandako istripu batek hiru hilabetez lehiatu gabe utzi zuen Igor.[7]

2024 denboraldian UAE Team Emirates taldean arituko da, hiru urteko kontratua sinatu baitu.[8]

Palmaresa

Errepidea

2017

  • Euskal Herriko errepideko txapelketa (kadete)[9]

2019

  • Gipuzkoako Itzulia (junior)
  • 2. Espainiako erlojupeko txapelketan (junior)
  • 2. Espainiako errepideko txapelketan (junior)

2020

  • Euskal Herriko errepideko txapelketa (junior)
  • Nafarroako errepideko txapelketa (junior)
  • Nafarroako erlojupeko txapelketa (junior)
  • 2. Espainiako erlojupeko txapelketan (junior)
  • 10. Europako erlojupeko txapelketan (junior)

2021

2022

2023

2024

Ziklo-krosa

2019-2020

  • Espainiako Ziklo-Kros txapelketa (junior)

Erreferentziak
  1. Igor Arrieta será ‘rosa’ en 2021
  2. Igor Arrieta: "Me gustaría dar el salto a profesionales, pero me lo tomo con tranquilidad, esperaré a que llegue el momento"
  3. Igor Arrieta 10.a juniorren Gent-Wevelgem klasikoan
  4. Igor Arrieta, nuevo Campeón de España júnior de Ciclocross
  5. Afizionatuen mailan hasteko gogotsu dagoela dio Igor Arrietak
  6. Igor Arrieta, décimo en el Europeo júnior
  7. El navarro Igor Arrieta reaparece tres meses después de una grave caída
  8. Igor Arrietak hiru urteko kontratua sinatu du UAE Emirates taldearekin
  9. Peio Goikoetxea (elite), Unai Cuadrado (Sub23) e Igor Arrieta (Cadete), campeones de Euskadi

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.