Iesu eliza

Iesu eliza Donostian dagoen eliza katolikoa da, Oroitzapenaren lorategian, Loiolako Erriberako parrokia, Rafael Moneo arkitekto tuterarrak eraikia. Itxura minimalistakoa, Oroimenaren lorategiaren ondoan kokatua dago, Urumea ibaiaren ezkerraldean. 2011ko maiatzaren 14an sagaratu zen, José Ignacio Munilla apezpikuak egindako elizkizunean[1]. Sagaratze ospakizunean hainbat apaizek hartu zuten parte, besteak beste, Donostiako gotzain emeritua, Juan Maria Uriarte, bi bikarioak, Joseba Gonzalez eta Juan Kruz Mendizabal, eta bertako parrokoa den Jesus Mari Zabaleta[1].

Iesu eliza
Eliza Oroimenaren lorategitik
Irudi gehiago
Kokapena
Herrialdea Euskal Herria
Probintzia Gipuzkoa
UdalerriaDonostia
Koordenatuak43°18′29″N 1°58′16″W
Map
Historia eta erabilera
Irekiera2011
Izenaren jatorriaJesus Nazaretekoa
ElizbarrutiaDonostiako elizbarrutia
Arkitektura
ArkitektoaRafael Moneo
EstiloaMinimalismoa

    Ezaugarriak

    Eraikinak bi bolumen ditu, eraikin nagusia (eliza bera) eta atxikitako eraikinak. Eraikin nagusia paralelepipedo handi eta zuri bat da, erpin batzuk hustu egin direnak, barnean greziar gurutze itxuraldatu bat osatzeko. Gurutze oker honek, Txillidaren hainbat lanen antza duena, "gaurko munduaren tira-birak islatu nahi ditu" Moneoren arabera. Adiskidetzearen kaperan 28 metroko garaiera dago eta nabe nagusia osatzen duen gurutzean 21 metro. Eliza ekialderantz begira dago. Espazio honek 900m² inguru eta 400 pertsonentzako edukiera[2].

    Elizari atxikia eta patio baten inguruan, "L" itxurako eraikina dago, non katixima-ikasgelak, lantegiak eta topalekuak dauden.

    Barnealdea

    Elizaren espazio nagusia greziar gurutze oker baten itxura du. Hormak sabaiarekin elkartzen diren ertzak hutsik daude eta bertatik eguzki argia sartzen da, barnealdea argituz eta gurutze itxura areagotuz.

    Beiratea. Argi ageri dira gurutzea, eguzkia, bi ilargialdi eta hilabeteen zenbaki erromatarrak.

    Nabe nagusiaren ezkerraldean sakristia eta bataiategia daude eta eskuinaldean Adiskidetzearen kapera[erreferentzia behar]. Kapera honetan tabernakulua eta beirate handi bat dago. Moneok berak marraztu du beiratea, eta Cintruénigoko harzuriz egina dago[3]. Harzuriaz gain, beirateak beirazko lau elementu ere baditu: elizaren adierazgarria den gurutzea, eguzkia eta ilargialdi ezberdinetan dauden bi ilargi. Horrez gainera, azpialdean, urteko hamabi hilabeteak daude, erromatar zenbakitan[3].

    Argiztapen artifiziala zintzilik dauden argiontziek egiten dute, kono itxurakoak eta garaiera txikian, eliztarren buruetatik hurbil. Argiztapen hau elizaren horma garaiekin kontraste handia sortzen du.

    Altzari eta artelanak
    Organoa, Johanes Klais alemaniarraren lana (Bonn).

    Elizak hainbat altzari eta artelan ditu, bereziki eraikin honetarako sortuak. Horien artean honakoak daude:

    Ikus gainera

    Iruditegia
    • Oroimenaren lorategitik
      Oroimenaren lorategitik
    • Oroimenaren lorategitik
      Oroimenaren lorategitik
    • Sabaia
      Sabaia
    • Nabe nagusia
      Nabe nagusia
    • Beiratea barnetik
      Beiratea barnetik
    • Tabernakulua
      Tabernakulua
    • Bataiarria
      Bataiarria
    • Erretaula (Javier Alkain)
      Erretaula (Javier Alkain)
    • Organoa
      Organoa
    • Ikuspegia korutik
      Ikuspegia korutik
    • Sarrera eta patioa
      Sarrera eta patioa

    Erreferentziak
    1. “Iesu” elizaren inaugurazioa, Donostiako elizbarrutiaren webgunean (2011-06-14)
    2. La iglesia de Moneo en Donostia costará 10,6 millones e iniciará su construcción en verano Deia egunkariaren webgunean (2008-02-02)
    3. Iesu elizako beirate ikusgarria Elizbarrutiaren webgunean

    Kanpo estekak
    Euskarazko Wikipedian bada atari bat, gai hau duena:
    Donostia
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.