Ibn Taymiyah

Ibn Taymiyah
	; Irudi gehiago
Bizitza
Jaiotza	Harran, 1263ko urtarrilaren 22a
Bizilekua	Harran; Damasko; Cairo Citadel (en)
Lehen hizkuntza	arabiera
Heriotza	Damasko, 1328ko irailaren 26a (65 urte)
Hobiratze lekua	Maqabir (en)
Familia
Aita	Shihab ad-Din ibn Taymiyyah
Ezkontidea(k)	ezkongabea
Familia	ikusi Majd ad-Din ibn Taymiyyah (en) (aitona);
Hezkuntza
Hizkuntzak	arabiera
Irakaslea(k)	Shams al-Din Ibn Al-Saʼigh (en)
Ikaslea(k)	ikusi Ibn Qayyim Al-Jawziy (en) ; Al-Dhahabi (en) ; Ibn Kathir (en) ; Ṣafadī, Khalīl ibn Aybak (en) ; Chihab al-Umari (en) ;
Jarduerak
Jarduerak	Alfakia eta poeta
Lantokia(k)	Damasko eta Kairo
Lan nabarmenak	ikusi A Great Compilation of Fatwa (en) ; Minhaj as-Sunnah an-Nabawiyyah (en) ; Al-Aqidah Al-Waasitiyyah (en) ;
Sinesmenak eta ideologia
Erlijioa	islama

Taqi ad-Din Ahmad ibn Taymiyyah, izen osoa Taqī ad-Dīn Abu 'l-ʿAbbās Aḥmad ibn ʿAbd al-Ḥalīm ibn ʿAbd as-Salām Ibn Taymiya al-Ḥarrānī (arabieraz تقي الدين أبو العباس أحمد بن عبد السلام بن عبد الله ابن تيمية الحراني‎) (Harran, Mesopotamia, egungo Turkia, 1263ko urtarrilaren 22a - Damasko, Mamelukoen Inperioa, 1328ko irailaren 26a) arabiar teologo musulmana izan zen.

Biografia

Koranaren eta sunnaren tradiziora itzultzea aldarrikatu zuen beti. Islameko mugimendu tradizionalak aitzindari eta maisutzat aitortu zuen XVIII. mendetik aurrera.

1268an Damaskoko hirira jo zuen, mongoliarren erasoetatik babesteko, eta han egon zen ikasle eta, geroago, irakasle. Tirabira handiak izan zituen Damaskoko agintariekin, eta mongoliarren aurkako borroka gidatu zuen 1299tik 1303ra bitarteko urteetan. Alexandriara jo zuen 1309. urtean, eta Egipto aldeko politika-arazoez arduratu zen, 1313. urtean mongoliarren erasopean zegoen Damaskora itzuli zen arte. Zailtasun handiak izan zituen hiri hartan, bere erlijio ideiengatik, eta kartzelan ere eduki zuten hainbat alditan.

Liburu asko idatzi zuen Ibn Tayniyahek, islamaren eta lege-iturrien ikuspegitik betiere. Obra nagusiak: Minhaj as-sunnah ("Tradizioaren bidea") eta As-Siya-sat ash-shar´iyah ("Politika Juridikoaren tratatua").

Ibn Taymiyahek aurkari asko izan zuen bere garaian, baina berebiziko eragina izan dute bere ideiek azken bi mendeotako islamiarren artean (1792. urtean hil zen Abd al-Wahhaben ondoko wahhabita integristen artean bereziki).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q491558
Multimedia: Ibn Taymiyyah / Q491558

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.