Iban Garate Garmendia

Iban Garate Garmendia (Azkoitia, Gipuzkoa, 1982ko maiatzaren 7a) euskal komunikatzailea da, aktore, aurkezle, gidoilari eta ekoizle lanak egindakoa. 1997an hasi zen aktore lanetan Goenkale telesailean, eta 2000-2004 bitartean ETB 1eko Betizu haur programazioa aurkeztu zuen. Ikus-entzunezko komunikazioan lizentziatua Nafarroako Unibertsitatean, hainbat entretenimendu saio aurkeztu ditu Euskal Telebistan, besteak beste Kalera (2004), Errazu (2009), Ai ama (2012) eta A ze bandaǃ (2014). Egin dituen aktore lan nabarmenen artean Aupa Etxebesteǃ (2005), Mystikal (2010), Arriya (2011), Miel de naranjas (2012) eta Agur Etxebesteǃ (2019) filmak zein Martin (2005-2009) eta El Secreto de Puente Viejo (2012-2013) telesailak daude. 2015etik aurrera ETBko albiste-zerbitzuetan ari da lanean; Azpimarra (2015-2016) saioan hasi eta iluntzeko Gaur egun aurkeztu zuen bi denboraldiz (2016-2018). 2019ko urtarrilaz geroztik goizeko Egun on Euskadi albistegia aurkeztu zuen, 2022ra arte.

Iban Garate Garmendia

Bizitza
Jaiotzako izen-deiturakIban Garate Garmendia
JaiotzaAzkoitia, 1982ko maiatzaren 7a (41 urte)
Herrialdea Gipuzkoa, Euskal Herria
BizilekuaGasteiz
Hezkuntza
HeziketaDeustuko Unibertsitatea
(2000 - 2002) : Enpresen Administrazio eta Zuzendaritza
Nafarroako Unibertsitatea
(2002 - 2007) lizentzia : Ikus-entzunezko komunikazio
Hizkuntzakeuskara
gaztelania
Jarduerak
Jarduerakaktorea, telebista aurkezlea eta ekoizlea
Lantokia(k)Bilbo
Enplegatzailea(k)Euskal Telebista
Lan nabarmenak
Jasotako sariak
IMDB: nm2021082 Edit the value on Wikidata

Biografia

Hastapenak

Azkoitiako Xabier Munibe ikastolan ikasi zuen 14 urte bete arte, eta ondoren batxilergoa Azpeitiako Karmelo Etxegarai ikastolan gauzatu zuen.[1] 15 urte zituela ikastolako antzerki taldean zebilen, eta lagunekin batera Goenkale telesailerako proba egin zuen. Castinga gainditu eta 1997an hasi zen telesailean. Lau denboraldiz Aitor Zubeldiaren papera egin zuen, 2000. urtean unibertsitate ikasketak hasteko telesaila utzi zuen arte.[2]

Ikasketak eta Betizu (2000-2004)

Deustuko Unibertsitatean ekonomia ikasten hasi zen, eta bi urte egin zituen Enpresen Administrazioa eta Zuzendaritza graduan. Hala ere ez zuen komunikazioaren arloa utzi, ETBk Betizu haurrentzako saioa aurkezteko eskaintza egin baitzion. Ilaski Serranorekin batera gidatu zuen saioa, eta Betizu markapean haurrentzako saio ugari gidatu zituen 2004rarte, besteak beste Gain gaina, Betizu Arena, Betishow, BT edo Betizuzenean, ETBko lehen zuzeneko lehiaketa. 2002an ekonomia ikasketak utzi zituen, eta Ikus-entzunezko Komunikazioa ikasten hasi zen Nafarroako Unibertsitatean. 2007an lizentziatu zen. Betizu saioan egindako lanagatik Telebista saileko Argia Saria irabazi zuen 2004ean, ikuslearekin komunikatzeko gaitasunari zein hizkera aberats eta propioa sarituz.[3]

Aktore lanak eta ETBko entretenimendu saioak (2004-2014)

2004an Kalera lehiaketa aurkeztu zuen ETB 1en. 2005ean zineman debutatu zuen Aupa Etxebesteǃ film arrakastatsuarekin, eta Martin (2003-2009) telesailean hasi zen lanean Manuren paperean. Hasieran pertsonaia errepikakor gisa hasi zen telesailaren 3. deboraldian, baina pertsonaia nagusia izatera igaro zen 6. denboraldian. Martin 2009an amaitu zen. 2006an Aizpea Goenagak zuzendutako Zeru horiek telefilmean agertu zen. 2007-2008 denboraldian Horrelakoa da bizitza magazinean kolaboratzaile eta gidoilari lanak egin zituen, eta 2009an Errazu saioa aurkeztu zuen, euskararen trataerari buruzkoa.[4]

Tuntuxa ekoiztetxea sortu zuen hainbat kiderekin batera, eta bi dokumentaletan ekoizle lanak egin zituenː Flysch, haitzen hitza (2009) eta Ttaup, ttaup! Arraun kolpeka (2010). 2010ean Mystikal filma protagonizatu zuen. Halaber, aktore ezagun bilakatu zen Arriya (2011) eta Miel de naranjas (2012) filmetan paper protagonistak antzeztu ondoren.

2011n Ipupomamua (ETB 1, eta berremanaldiak ETB 3n) saioa aurkeztu zuen. 2012an Ai ama elkarrizketa saioa aurkeztu zuen ETB 1en. 2012-2013 denboraldian TOPeraǃ saioa aurkeztu zuen eta Antena 3eko El Secreto de Puente Viejo telesailean agertu zen, Luis Ávalosen paperean. 2014an Lasa eta Zabala filmean parte hartu zuen, eta A ze bandaǃ lehiaketa aurkeztu zuen Nerea Rodriguezekin batera. 2014ko udan esatari lanak egin zituen Euskadi Irratian estreinakoz, Faktoria magazinean.[5]

Albistegiak (2015-egun)

2015ean Azpimarra saioan hasi zen lanean, ETBko albiste-zerbitzuei lotua. 2016an amaitu zen saioa, eta Garate albistegiak aurkeztera igaro zen. Iluntzetako Gaur egun 2 albistegia aurkeztu zuen bi denboraldiz, 2016tik 2018ra bitartean. Albistegietako lanean hasi ondoren aktore lanak alde batera utzi zituen arren, 2018an Agur Etxebesteǃ filma grabatu zuen, 2005eko Aupa Etxebesteǃ-ren jarraipena.[6] 2019ko urtarrilean Estepan Aldamiz-Etxebarriaren lekukoa hartu zuen goizeko Egun on Euskadi albistegiko gidari gisa. Albistegietako lanean hauteskunde gauak zein hauteskunde elkarrizketak aurkeztea ere egokitu zaio. 2020ko uztailean uda denboraldiko Gaur egun 1 albistegia aurkeztu zuen, Xabier Usabiaga ordezkatuz.

Lau denboraldiz aurkeztu zuen Egun on Euskadi albistegia, 2022ra arte. 2022ko udazkenean Necesito Ayuda dokuseriea aurkeztuko du ETB2n.[7]

Bizitza pertsonala

Gaur egun Gasteizen bizi da. Bi alaba eta seme bat ditu.[6][erreferentzia behar] Errealeko bazkidea da. Gure Esku erabakitzeko eskubidearen aldeko ekimena babestu du, zenbait ekitaldi gidatuz.[8]

Lanak

Filmak
Urtea Izenburua Papera Oharrak
2005 Aupa Etxebesteǃ Iñaki Etxebeste Uranga Protagonista
2006 Zeru horiek Larrea Telefilma
2009 Flysch, haitzen hitza Ekoizlea (dokumentala)
2010 Ttaup, ttaup! Arraun kolpeka Ekoizle eragilea (dokumentala)
2010 Mystikal Eldyn Protagonista
2011 Arriya Peru Protagonista
2012 Miel de naranjas Enrique Protagonista
2014 Lasa eta Zabala Juantxo Sekundarioa
2019 Agur Etxebesteǃ Iñaki Etxebeste Uranga Protagonista

Telesailak
Urtea Izenburua Papera Katea Oharrak
1997-2000 Goenkale Aitor Zubeldia ETB 1 4 denboraldi
Errepikakorra (1997-1998, 2000)
Nagusia (1998-2000)
2005-2009 Martin Manu ETB 1 63 atal (errepikakorra 2005-2007, nagusia 2008-2009)
2009 Mi querido Klikowsky Kiko ETB 2 Aktore gonbidatua (atal 1)
2012-2013 El secreto de Puente Viejo Luis Ávalos Antena 3 Sekundarioa (65 atal)
2022 Intimidad Bere burua Netflix Cameoa

Telebista saioak
Urtea Izenburua Katea Oharrak
2000 KTMǃ ETB 1 Gonbidatua (atal 1)
2000-2004 Betizu ETB 1 Aurkezlea, hainbat saio Betizu markapeanː
Betizuzenean, Gain gaina, Betizu Arena eta Betishow
Argia Sariaren irabazlea
2003 Kaixo 2003 ETB 1 Gonbidatua
2003 Euskadi Irratiak 20 urte ETB 1 Atal 1
2004 Kalera ETB 1 Aurkezlea
2006 Date el bote ETB 2 Lehiakide gonbidatua (1000. atal berezia)
2007-2008 Horrelakoa da bizitza ETB 1 Kolaboratzailea eta gidoilaria
2009 Errazu ETB 1 Aurkezlea (13 atal)
2009 Ilunpean GoiTB Gonbidatua (atal 1)
2011 Ipupomamua ETB 1 Aurkezlea (13 atal)
2011 Anitzele ETB 1 Gonbidatua (atal 1)
2011-2012 Finlandia ETB 1 Gonbidatua (2 atal)
2012 Eguberri off ETB 1 Bakarrizketa saio berezia
2012 Ai ama ETB 1 Aurkezlea
2012 Mihiluze ETB 1 Lehiakide gonbidatua (atal 1)
2012 El hormiguero Antena 3 Gonbidatua (atal 1)
2012-2013 TOPeraǃ ETB 1 Aurkezlea (13 atal)
2014 Zuek hor eta gu hemen ETB 1 Gonbidatua (atal 1)
2014 A ze bandaǃ ETB 1 Aurkezlea
2015-2016 Azpimarra ETB 1 Aurkezlea
2016-2018 Gaur egun 2 ETB 1 Aurkezlea
2019-2022 Egun on Euskadi ETB 1 Aurkezlea
2019 Gure kasa ETB 1 Gonbidatua (atal 1)
2020 Gaur egun 1 ETB 1 Aurkezlea (udako ordezkapena)
2022 Necesito Ayuda ETB 2 Aurkezlea

Irratia

Antzerkia eta ikuskizunak

Bestelako lanak
  • Idazmakinak literatura lehiaketako sari banaketa - Aurkezlea (2006)
  • Kultura Sailaren "Aupa Aritz Amona" iragarkia - Esataria (2007)
  • HABEren 25. urteurren ospakizunerako ikuskizuna (2008)[13]
  • Arrigorriagako VIII. Umorea Labur jaialdia - Epaimahaikidea (2009)[14]
  • Bertsolaburmetrai lehiaketa - Epaimahaikidea (2009)[15]
  • Aztertu 2009 sari-banaketa ekitaldia - Gidaria (2010)[16]
  • Oihan pertsonaia Fernando Morillo idazlearen Itzalen Sua liburuan (Gaumin, 2012)[17]
  • EAJren hauteskunde ekitaldi nagusia BECen - Aurkezlea (2012)[18]
  • Oñatiko Laburmetrai Rallyaren IV. edizioa - Epaimahaikidea (2013)[19]
  • VI. Kosmodisea - Aurkezlea, Aitziber Garmendiarekin (2012)[20]
  • Musikaldia - Aurkezlea (2013)
  • VIII. Kosmodisea - Aurkezlea (2014)[21]
  • Erabakia ehuntzen ekimenaren (Gure Esku) aurkezpena, Ilaski Serranorekin (2014)
  • VI. Zinexit Topaketak - Aurkezlea (2015)[22]
  • Urkullu lehendakariaren eguberrietako harrera euskal gizarteari - Aurkezlea (2015)[23]

Sariak eta aitortzak
UrteaSariaKategoriaLana Emaitza Err.
2004 Argia Saria Telebista Betizu Irabazlea [3]

Erreferentziak
  1. «Elkarrizketa: Iban Garate. (Aktorea eta komunikatzailea): Aktore lanetan beste baten larruan sartu behar duzu - Euskonews» www.euskonews.eus (Noiz kontsultatua: 2020-07-01).
  2. all_powerful_Oz. «Iban Garate: “Beti begiratzen diot ispiluari atera aurretik"» Gaztezulo (Noiz kontsultatua: 2020-07-01).
  3. «Saridun gazteak eta jaio berria» Argia (Noiz kontsultatua: 2020-07-02).
  4. (Gaztelaniaz) «El joven Ibon Garate presenta en ETB1 'Errazu', un espacio sobre el euskera» FormulaTV (Noiz kontsultatua: 2020-07-01).
  5. Urkizu, Urtzi. «Iban Garate eta Oihane Yustos Euskadi Irratian gidari, udako goizetan» Berria (Noiz kontsultatua: 2020-07-02).
  6. «Iban Garate: "Ikastolako lagunekin elkartzea bezalakoa izan da 'Agur Etxebeste!' egitea" - Azkoitia» Maxixatzen.eus (Noiz kontsultatua: 2020-07-02).
  7. «Batzen gaituzten emozioen pantaila izango da ETB denboraldi berrian» EITB 2022-09-08 (Noiz kontsultatua: 2022-09-16).
  8. Iruretagoiena, Hodei. «Hautetsontzi bat, oihal zatiz josia» Berria (Noiz kontsultatua: 2020-07-02).
  9. «Ilunafarra irratsaioa, zuzenean eta jendaurrean, Iruñean, maiatzaren 18an ostiralez» sustatu.eus (Noiz kontsultatua: 2020-07-02).
  10. «Orkestra Kontu Kontari» Euskadiko Orkestra. Basque National Orchestra 2017-11-20 (Noiz kontsultatua: 2020-07-02).
  11. «'Komeriaren kluba'. Iban Garate, Asier Hormaza, Aitziber Garmendia, Ana Elordi, Ane Zabala eta Galde» bizkaie.biz (Noiz kontsultatua: 2020-07-02).
  12. Elustondo, Ihintza. «Zaporeei segika, atzera denbora makinan» Berria (Noiz kontsultatua: 2020-07-02).
  13. «erabili.eus/ HABEk jai-giroan ospatu du bere 25. urteurrena» www.erabili.eus (Noiz kontsultatua: 2020-07-02).
  14. «Arrigorriagako VIII. Umorea Labur jaialdiak Loli Astoreka omenduko dau» bizkaie.biz (Noiz kontsultatua: 2020-07-02).
  15. «EuskalEtxeak - I Bertsolaburmetrai lehiaketa» www.euskaletxeak.eus (Noiz kontsultatua: 2020-07-02).
  16. (Gaztelaniaz) «Tres jóvenes ondarreses reciben el premio Aztertu» El Diario Vasco 2010-02-19 (Noiz kontsultatua: 2020-07-02).
  17. «Gaumin Argitaletxea» www.facebook.com (Noiz kontsultatua: 2020-07-02).
  18. (Gaztelaniaz) Pastor, Mikel. (2012). «Urkullu aboga por la "cohabitación responsable" en su mitin central» gara.naiz.eus (GARA) (Noiz kontsultatua: 2020-07-02).
  19. (Ingelesez) «IV.Edizioa» olrallya (Noiz kontsultatua: 2020-07-02).
  20. «¡Somos emprendedores! | LA SALLE BERROZPE ANDOAIN» www.lasalleberrozpe.eus (Noiz kontsultatua: 2020-07-02).
  21. (Gaztelaniaz) «Ikastola copa todos los premios de Bachillerato en Kosmodisea» El Diario Vasco 2014-05-17 (Noiz kontsultatua: 2020-07-02).
  22. Press, Europa. (2015-09-21). «"Zinexit topaketak" trae este martes a Bilbao al director Joaquín Oristrell y a la actriz Nur Levi» www.europapress.es (Noiz kontsultatua: 2020-07-02).
  23. (Gaztelaniaz) «'Una nueva Transición'» ELMUNDO 2015-12-23 (Noiz kontsultatua: 2020-07-02).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.