Hormadi Elite

Hormadi Elite
Datuak
Mota	izotz hockey taldea
Herrialdea	Frantzia
Historia
Sorrera	1969

Hormadi Elite Angeluko (Lapurdi) izotz hockey taldea da. Taldearen izengoitia Angeluko orkak da.

Etxeko partiduak Barrako lerratokian jokatzen ditu.

Historia

1969an sortu zen taldea, Hondarretako hockeylariak izenarekin, lerratokia inauguratu eta biharamunean. Lehen partida ofiziala abenduaren 25ean jokatu zuen. 1975 urtean izotz hockey eskola sortu zuen. 1996an gaur egungo izena hartu zuen, Hormadi.

1997an Elite mailara iritsi zen eta urte gutxitan finalak jokatu zituen, 2001ean Ligakoa eta 2003an Kopakoa, bietan ere galtzaile atera zelarik. 2007an diru arazoak zirela eta Frantziako federazioak hirugarren mailara jaitsiarazi zuen. Hormadik orduan Frantziak federazioa utzi eta Espainiako Superligan jokatzea erabaki zuen. Txapeldun-ordea izan zen eta Kopako finalerdiak jokatu zituen. 2009an Frantziako Federaziora itzuli zen.

Palmaresa

Frantziako Liga (0): txapeldun ordea 2001ean
Frantziako Kopa (0): txapeldun ordea 2003an
Espainiako Superliga (0): txapeldun ordea 2008an
Espainiako Errege Kopa (0): final erdiak 2008an

Klubaren jokalari garrantzitsuenak

Serge Poudrier
Michel Leblanc
Patrick Foliot
Serge Goïcoetchea
Brian Propp
Jason Melong
Robert Ouellet

Kanpo estekak

(Frantsesez) Hormadi taldearen webgunea

Datuak: Q540645

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.