Holtzarteko arroilak

Holtzarteko arroilak Larrainen (Zuberoa) kokaturiko bi haitzebaki estu dira, Olhado eta Olhadübia izena dituztenak, erosioaren bidez eratu dituzten erreken izen berdinak. Holtzarte, izatez, bi arroil horien arteko zatiari deritzo.

Holtzarte
Datu orokorrak
Garaiera489 m
Motaarroila
Geografia
Map
Koordenatuak43°00′07″N 0°55′34″W
MendikateaPirinioak
Estatu burujabe Frantzia
Frantziaren banaketa administratiboa Metropolitar Frantzia
Eskualdea Akitania Berria
Departamendua Pirinio Atlantikoak
BarrutiOloroe-Donamariako barrutia
KantonamenduAtharratze-Sorholüzeko kantonamendua
Frantziako udalerriLarraine
Ur-gorputzaOlhadoko erreka
Mendizaletasuna
Ohiko bideaLogibarretik (Larraine)

Geografia

Basabürüako paisaia, arroil sakonez osaturik dagoen paisaia karstikoa da, zeinetan Holtzarteko arroilak (100 eta 300 metro arteko altuerarekin), Kakuetakoarekin batera ikusgarrienak diren.

Orain dela 80 milioi urte eratu ziren Olhado eta Olhadibia erreken erosioaren ondorioz. 420 metrotako altueran, Olhado ibaia Olhadübi arroilarekin batzen da, azken hau Sardekagañatik datorren Olhadübi errekak eratua izan zena. Bi erreka (eta arroil) hauek batzen diren lekuan dago Holtzarteko zubi famatua (580 m-tako altueran). Berau, Lombardi Marcelloren Atharratzeko altzairu-fabrikako langile italiarrek eraiki zuten 1920an Holtzarteko basotik egurra atera ahal izateko. Zubi eseki ikusgarri honek, arroila gurutzatzen du, Olhadoko errekatik 140 metroko altuerara.

Sarbidea

Holtzartera heltzeko, Logibarretik (380 m.) hel daiteke RD-26 ibilbidea jarraituz, nahiko bide maldatsu batetik. 45 minutu inguru behar dira oinez Logibarretik zubira heltzeko.

  • Arroila.
    Arroila.
  • Zubia, aurrean Holtzarteko basoa
    Zubia, aurrean Holtzarteko basoa
  • Zubia hurbiletik ikusia
    Zubia hurbiletik ikusia
  • Zubia eta arroila
    Zubia eta arroila

Ikus, gainera

Kanpo estekak
Euskarazko Wikipedian bada atari bat, gai hau duena:
Euskal Wikiatlasa
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.