Hohenzollern gaztelua
Hohenzollern gaztelua (alemanez Burg Hohenzollern) Alemaniako Baden-Württemberg estatuko Hechingen udalerriaren inguruan dagoen gaztelu bat da, Stuttgart hiritik 50 kilometro hegoaldera. Berez, gaztelua Hohenzollern mendiaren gailurrean dago, 855 metroko garaieran.
| Hohenzollern gaztelua | |
|---|---|
 | |
| Kokapena | |
| Estatu burujabe |  Alemania |
| Alemaniako estatua |  Baden-Württemberg |
| Baden-Württembergeko gobernu-eskualde | Tübingen |
| Baden-Württembergeko baserri-barruti | Zollernalb |
| Alemaniako hiri ez den komunitatea | Bisingen |
| Koordenatuak | 48°19′25″N 8°58′03″E |
 | |
| Altitudea | 843 m, itsas mailaren gainetik |
| Historia eta erabilera | |
| Jabea | Hohenzollern dinastia |
| Izenaren jatorria | Hohenzollern dinastia |
| Arkitektura | |
| Arkitektoa | Friedrich August Stüler (en)  |
| Estiloa | Arkitektura neogotikoa |
| Ondarea | |
| Webgune ofiziala | |
Eraikin hau historikoko Hohenzollern dinastiari lotua egon zaio, jatorria bertan baitzuen, dinastia hau Erdi Aroan boterera iritsi eta Lehen Mundu Gerraren amaierarte Prusia eta Brandenburgon agindu zuelarik.
Historia
Gazteluaren lehenbiziko zatia XI. mendean eraiki zen, baina 1423an Suabiako hiri inperialen aliantza baten eginiriko hamar hilabetetako setio baten ondoren erabat suntsitua izan zen.
1454-1461 bitartean bigarren gaztelu sendoago bat eraiki zen, Hogeita Hamar Urteko Gerran Hohenzollern dinastiari aterpe eman ziolarik. XVIII. mendean jada gaztelua erabat utzia zegoen, bertako elementu ugari erautsiak izan zirelarik, ondorioz garai hartatik gaurdaino iritsi den elementu bakarra San Migelen kapera izan da.
1846-1867 bitartean Federiko Gilen IV.a Prusiakoaren aginduz eta Friedrich August Stühler arkitektoaren gidaritzapean hirugarren gaztelu bat eraiki zen, eraikin hau ingeles arkitektura neogotikoa eta Frantziako Loira eskualdeko gazteluetan oinarritu zelarik. Nahiz eta gaztelua Hohenzollern sendiaren omenez eraikia izan, 1945. urterarte ez zen bertan senitartekorik bizi izan, data honetan Gilen Prusiakoa eta haren emaztea zen Zezilia Mecklemburgo-Schweringoa bertan bizitzen jarri zirelarik. Senar-emazteak gazteluan lurperatuak daude.
Gaur egun gaztelua gordetako altxorren artean honako objektu hauek daude:Gilen II.a Alemaniakoa koroa, Frederiko II.a Handiaren objektu pertsonalak eta George Washingtonek Friedrich Wilhelm von Steuben baroiari Hohenzollern Etxeak Ameriketako Estatu Batuen Independentzia Gerran zehar emandako aldeko laguntzaren eskerron gutuna edo mezua.
Gaur egun gaztelua turismogune oso ezaguna da.
Iruditegia
Dorreetako bat.
Barnealdeko patioa.
Prusiako erregeen koroa.
Gazteluaren barnealdea eta San Migelen kapera.
Ataria.
Aireko ikuspegia.
Kanpo estekak
- Hohenzollern gazteluaren webgunea (Alemanez) (Ingelesez)
