Histoire d'O
Historie d'O (euskaraz, O-ren historia) 1954an Pauline Réage izengoitiaz frantsesez argitaratutako eleberri erotikoa da. Pauline Réageren benetako izen literarioa Dominique Aury zen, jaiotzez Anne Desclos. Hitzaurrea Jean Paulhanek idatzi zuen. Auryk ez zuen argitaratzeko asmoz idatzi, bere amoranteari, Jean Paulhan, desafio egiteko baizik.[1] Urte haietan eleberri eskandalagarria gertatu zen eta herri askotan, esaterako Espainian, ezin izan zen argitaratu. Frantzian bertan zenbait sektore debekatzea saiatu ziren. Egilearen benetako izena argitaratu eta 40 urte igaro arte ez zen ezagutzera eman.
| Historie d'O | |
|---|---|
 O-k eramaten zuen lepoko uztaiaren imitazioa. | |
| Datuak | |
| Idazlea | Anne Desclos Aury (1954) |
| Argitaratze-data | 1954 |
| Generoa | Eleberri erotikoa |
| Jatorrizko izenburua | Historie d'O |
| Argitaletxea | Jean-Jacques Pauvert (en)  |
| Herrialdea |  Frantzia |
Argumentua
Historie d'O eleberriak maitasun sadomasokista baten historia narratzen du. Protagonista, Pariseko modetako argazkilaria, maiteminduta, harreman auto-txikitzaile batera eramana da. Amorantearen bidez sadomasokismoaz oinarritutako elkarte ezkutu batean sartua da. Behin elkartean iniziazio prozesua ezagutuko du eta haren bitartean erabateko mendekokeria onartuko du. Ondorioz, mota guztietako sexu-praktikak jasan egingo ditu: zigorrak, sarketak, jipoiak..., erabateko sexu-esklabu izan arte.
Filma
1975an, Historie d'O izenburupean, Just Jaeckin zuzendari frantsesak zinemara eraman zuen, Corinne Clery aktorea paper nagusian.
Komikia
Guido Crepax marrazkilari italiarrak eleberria komikietara eraman zuen. Lana bi liburukietan argitaratu zuen: lehendabizikoa 1975an eta bigarrena 1984an.
